Alexander etc. Dilectis filiis .. magistro et fratribus hospi- talis etc. Quotiens a nobis petitur quod religioni et honestati convenire dinoscitur, animo nos decet libenti concedere et pe- tentium desideriis congruum suffragium impertiri. Eapropter di- lecti in domino filii vestris iustis postulationibus clementer an- nuimus et domum vestram in qua estis ad dei laudem et gloriam atque defensionem suorum fidelium et liberandam dei ecclesiam congregati, cum omnibus possessionibus et bonis suis que im- presentiarum legitime habere cognoscitur aut in futurum con- cessione pontificum liberalitate regum vel principum oblatione fide lium seu aliis iustis modis prestante domino poterit adipisci tam trans mare quam cis mare, felicis recordationis Honorii, Gre- gorii et Innocentii predecessorum nostrorum Romanorum pon tificum vestigiis inherentes vobis auctoritate apostolica confirma- mus, ut perpetuo futuris temporibus sub apostolice sedis tutela et protectione consistant. Ut autem vobis ad curam animarum vestrarum et salutis plenitudinem nichil desit atque ecclesiastica sacramenta et divina officia vestro sacro collegio commodius exhibeantur, statuimus ut liceat vobis honestos clericos et sacer dotes secundum deum quantum ad vestram scientiam ordinatos undecumque ad vos venientes suscipere et tam in principali domo vestra quam etiam in obedientiis et locis sibi subiectis vobiscum habere; dummodo si e vicino sint eos a propriis episcopis expetatis; iidemque nulli alii professioni vel ordini teneantur obnoxii. Preterea nulli persone extra vestrum capitu- lum sint subiecti, tibique dilecte in domino magister tuisque successoribus tamquam magistro et prelato suo deferant secun dum vestri ordinis instituta. Quicumque vero in cimiterio vestro elegerint sepeliri, ad sepulturam recipiendi educendi et sepe- liendi, nisi forte excommunicati vel nominatim fuerint interdicti aut etiam publice usurarii, facultatem liberam habeatis; salva tamen iustitia illarum ecclesiarum a quibus mortuorum corpora assumuntur. Decernimus ergo ut nulli omnino hominum liceat etc. Datum Viterbii, id. septembr., pontificatus nostri anno tertio.