Ecchebertus dei gratia Babenbergensis episcopus. Omnibus hanc paginam inspecturis gratiam in presenti et gloriam in futuro. *) Wie in der nachstvorhergehenden urkunde.

37

Cum hominum etas se nunquam in eodem statu representet et temporis lapsus oblivionem inducat, consentaneum est rationi, ut ea que bona fide contrahuntur, scripture serie roborentur. Sane presenti scripto duximus declarandum, quod cum ecclesia sancti Iacobi Babenbergensis villam Langen pluribus annis in- fructuose possedisset, ut propter varias imperii turbationes et totius Alemannie crebras bellorum tempestates nulla eidem de bonis eisdem utilitas proveniret, magistro Hermanno hospitalis sancte Marie Teotonicorum Ierosolimitan. redditus eosdem dicte ecclesie canonici vendiderunt pro quadringentis et quinquaginta marcis fini argenti. Quod ab eodem magistro sub tali recepere condicione ac iuramento astricti, ut idem argentum in nullius umquam usum conferretur, sed intactum conservaretur, donec in redditus alios ecclesie utiles emptionis titulo impenderetur. Nos itaque villam Langen cum ecclesia parochiali, cum silva, pratis, pascuis, agris cultis et incultis, viis et inviis, et omnibus pertinentiis magistro contulimus memorato, in plena synodo que tunc temporis extitit in maiori ecclesia celebrata, sub de- creto et assensu omnium tam maioris ecclesie quam sancti Iacobi canouicorum et approbatione ministerialium ecclesie plurimo- rum. Ut igitur hec traditio nostra hospitali sancte Marie so- lempniter celebrata firma perpetuis temporibus existat, sigilli nostri munimine duximus roborandam. Acta sunt hec pontifi- catus nostri anno sextodecimo.