145.

Ic Colaert vanden Clite, ruddere, ontfanghere van Vlaendren, doe te wetene allen lieden, dat uute dien dat niet langue es verleden ic in den name van minen gheduchten heere, minen heere van Vlaendren, stelde in sinen banden, saizierde ende arresteerde tsinen bouf theersceep van Poperinghe, met al den rechten, vriheden, juridictien van alrande wettelicheden, der an clevende, toebehoerende minen heere den abdt van sente Bertins, sinen bailliu, amman verliet hare roede nam, ende andre stelde in de stede van myns vorseid heeren halven, omme zekere redenen van meshusancen, die mi daer toe purreden, uten ocoisoenne sprutende van eenen wive gheheeten de Loese Roede, die te Poperinghe in sine vancnesse ghevanghen lach, ende daer ute ontquam. Ende dat daer af van al dats an cleven mach, anziende ende atouchierende minen heeren den abdt vorseid, sire kerken, sinen officiers, dats te wetene sinen bailliu, sinen amman ende prisewachtre, hi bleven es van al int secghen ende ordenance van minen vorseiden heere, of van minen heeren van sinen rade daer toe ghecommittert, ende heeft hem verbonden, dat wel te houdene ende te vulcommene, so eist dat ic, in de name van minen gheduchten heere vorenghenomt, hebbe wederroupen ende te nieute ghedaen bi desen lettren, al nu wederroupe ende doe te nieute de vorseide saisine, arrest, ende al datter toe ghedaen es; ende den vorseiden bailliu ende amman verlate voert an van baren eede, die zire toe daden van myns vorseids heeren halven van Vlaendren, ende hebbe tvorseide heerseeep met al den rechten, wettelicheden ende juridictien, wederghe-

BIBL.

keertecnde gherestituert in den handen myns heeren sabds vorseid in zulken rechten, possessien, costumen ende usagen alser toebehoert, ende ghehouden heift ghesyn tote hare behouden in allen andren zaken myns vorseids heeren recht ende heerlicheit, bider orconscep van desen lettren gheseghelt met minen zeghele. Ghegheven te Ghend, den ххи"*0 dach van aprille, int jaer ons Heeren M CCC ceu ende tseventich.

Original. Sceau entevé.