112.

^an den contente, dat was tusschen den here Gillise van Cochove, prioer van Cockelare, moenec vander kerken van sinte Bertins, alse vander voerseider kerken haben of een zide , ende tusschen Wilsoeten Spieringhe ende Hanne Spieringhe ende Heilsoeten sire moeder ende hare partie of ander zide, alse van den rechte, dat sie calengierden in der kerken tiende van sinte Bertins voerseit te Lisseweghe, ende daer sie of bleven waren, up tsabbets zegghen van sinte Bertins voerseit, of up tsheren Gillis zegghen van Cochove, prioren voerseit, te wetten de zegghene die abbet of die here Gillis voerseit suile haerre dat ware in sine ziele weder sie recht hadden in die voerseide tiende of ne hadden, ende daer of dat die here Gillis van Cochove, prioer voerseit, seide syn zegghen in sine ziele ende hie wisede, dat die voerseide Wilsoete, Hanne ende Heilsoete ende hare partie ne gheen recht ne hadden, ne sculdiih ne waren te hebbene, in die tiende voerseit, ende nemmerme recht te calengierne in die voerseide tiende, ne ware omme die minne van Gode, ende omme dat sie dienst hadden ghedaen der kerken voerseit, ende omme ghoeden pais, so wisede hie hem- lieden te hebbene dartich pont vlaemscher peneghe vander voerseider kerken in alemoesenen. Ende daer dese voerseide Wilsoete, Hanne ende Heilsoete ende hare partie ghecalengiert waren in wetten up enen wettelicken dinghedach te steghere, bi claghen vanden here Gillise, prioer voerseit, omme te houdene ende te vulcoemene tvoerseide wysdoem, van welken wysdoeme tvist was in die wet. So was ghesproeken een vinderscip te wetten tusschen den here Gillise vaq

Cochove, prioer voerseit, van sire kerken halven ofeen zide, ende die dies macht hadde van sire kerken halven, ende tusschen Wilsoeten Spieringhe, die tvinder- scip wedde te houdene over hem zelven van al den rechte, dat hiere of calen- gierende was, ende tusschen Hanne Spieringhe ende Heilsoeten, sire moeder, ende dat wedde die Hanne over hem ende over Heilsoeten, sire moeder, te houdene, Ы namen up minen here Roegere van Ghistele, ruddre, minen here Woutren Remfiue, ruddre, tien tiden bailiu vanden Brugschen ambochte, Diedericke den Vos, Arnoude Brantine, clerc vander vierscharne van Bruggheambocht, ende up Weinine Stullaerde, crichoudre tien tiden van der zelver vierscharne, diet alle wedden te scedene te wetten in manieren waer dat die meeste meneghe seide, dat dat staende bleve, ende dit is te wetene behouden tsheren Gillis zeg- ghene, tsprioren voerseit, dat sie macht hadden te wisene ende te meersene boven den voerseiden dartich ponden vlaemscher peneghe, die die voerseide here Gillis wisede, also vele als hem ghoet dochte, ende dit vinderschip wedde te houdene Weinin Stullaert over den here Gillise, prioer voerseit, alse vander kerken halven voerseit, ende daerna alse dit vinderscip wettelicke vulcoemen was, ende elkerlyc anderen zeker ghedaen hadde te sire ghenoechte. So camen die voerseide vinders myn here Roeger, myn here Woutre, Diederic, Arnoud ende Weinin, ende droeghen alle over een ende wiseden voer scepenen vanden Vrihen, bi namen voer minen here Woutren van Coekelare, minen here Willemme van Boenhem, minen here Willemme van Straten, minen here Jhanne Canine, rud ders, Riquarde Standaerde, Oliviere vander Haghe, Arnoude Heinemans soene, ende langhe Jhanne van Cadzant, Wilsoeten Spieringhe, dat hie ende syn wyf souden coemen te Brugghe tusschier ende halfvastene die eerst came ende quite scelden ende te wetten, voer scepenen vanden Vrihen, alt recht dat si calen- gierden jof hadden of hebben mochten in die voerseide tiende van Lisseweghe ende dier ghelike ten karstmede, ende waerre enich cost te doene ten karstmede, dat soude wesen up tsheren Gillis cost, tsprioren voerseit, ende diere ghelike wiseden sie te doene Hanne Spieringhe ende Heilsoeten, sire moeder, ende hier bi wiseden sie den here Gillise, prioer voerseit, te ghevene dien Wilsoe ten Spieringhe tvintich pont vlaemscher peneghe bin achte daghen na dien dat hie ende syn wyf hebben ghedaen dese quitesceldinghe, ende sie wisenden Hanne Spieringhe ende Heilsoeten, sire .moeder, die tvedeel van tvintich ponden vlaemscher peneghen in dier voerseider manieren. Ende hier bi so wiseden sie quite den here Gillise prioer ende die kerke voerseit van den dartich ponden vlaemscher peneghen, die die here Gillis, prioer voerseit, dien voerseiden Wil soeten ende Hannen ende haerre partien hadde ghewiset te hebbene in alemoe- senen van der voerseider kerken. Dit kennen scepenen vanden Vrihen die hier boven ghescreven syn. Ende myn here Roeger van Ghistele, myn here Woutre Bemfin, rudders, ende Diederic die Vos, scepenen vanden Vrihen, die dit voerseide

126

vinderscip wiseden kennent up hem zelven. Dit was ghewiset int jaer ons Heren als men screef sine Incarnatie tvelef hundert ende neghene ende tseventich, tsaterdaghes voer sinte Gregoris daghe.

Original. Sceaux enlevés.