131.

Philippe, par la grace de Dieu roys de France, a nostre ame et feal labbe de Saint Bertin, de Saint Omer, salut et dilection. Com les habitans de la ville de Poperinghes, dou terroir et des appartenences diceile ville, en eus repentens des rebellions et desobeissances faites ou temps passe par eus a nous et a nostre ame et feal cousin le conte de Flandres, et a vous leur seigneur sens moien, se soient renduz et souzmis dou tout a ndstre voulente et nous aient humblement supplie, que a ce nous les voulissiens recevoir, et nous enclinans a leur supplication les ayens receuz a ce, en entention de punir, corriger et faire justice de eeus, par qui lesdites desobeissances, rebellions et exces ont este fait. Pour ce est il que nous fians de vostre loialte et de vostre diligence, vous mandons et commetons, que ces lettres recettes vous en vostre persone vous transponrtez en ladite ville et en non de nous, et pour nous recevez le seirement de eus et de chascun de eus par soi, lequel nous avons ja receu des eschevins de ladite ville en la maniere qui sensuit: cest assavoir que il jureront, que des ores en avant il seront feal et loial a nous et a nos succes seurs roys de France, et garderont nostre persone, nostre estat, nostre honour, noz droiz et nostre souverainete envers touz et contre touz, qui puissent vivre et morir, et obeiront a nous comme a leur seigneur souverain, et audit conte entant comme a lui appartient, et a vous comme a leur Seigneur sens moien, tant comme ledit conte et vous et vos successeurs serez vrai obeissent a nous et a nos successeurs roys de France, ne ne conforteront, soutendront ne aideront les rebelles et desobeissens a nous, audit conte et a vous, en quelque maniere que ce soit. Ainçois iceuls rebelles et desobeissens aideront de tout leur poir a prenre, punir, corriger et faire justice diccus, par toutes les voyes et les ma nieres quil pourront, et a yceus ramener a vraye obeissance; et ce que vous en aurez fait et les nons des persones, desqueles vous aurez receu ledit serement, nous rapourtez sens delay, par escript seelle de vostre seel et des seauz des eschevins et cueriers de ladite ville, ouquel escript la teneur de ces lettres soit incorporee. Donne en noz tantes a Hardinfort souz Cassel, le xxvii jour daoust, lan de grace mil CCC vint et huit.

Original. Sceau enlevé.

BIBL. UNI'

m