167.

Wy scepenen van ghedeele, raed ende paysierers vander stede van Ghend, doen te wetene allen lieden, special ic eersame onzen gheminden vrienden, den

30

bailliu, amman ende scepenen sprelaets, religieusen ende convend van sente Bertins, van haerlieder heerscepe van Poperinghen, ende elken bizondere dien dese zake angaen mach, dat up den dach van heden, date deser lettren, voor ons commen ende ghecompareert zyn in propren persoonen, meester Jan van Wissche ende Gheertruud Gheeraerts, zyn wyf, Lievin Parys ende Lysbette Gheeraerts, zyn wyf, Gillis Gheeraerts ende Margriete Swispeleeren, zyn wyf, elc over hem zelven, de zelve Gillis Gheeraerts, als vooght van Jaquemynkin Symoens, Michiels dochtre, onze weese, die hy hadde by Jehannen Gheeraerts, zinen wive, voort van Lievynkine sGraven, Phelips dochtre, onse weeze, die hy hadde by Kathelinen Gheeraerts, ende van Maertkin Donnervaerde, Jurys zone, onse weeze, die hy hadde by der zelver Katheline, zinen wive was. De welke persoonen over hemlieden, ende de voornoemde vooght over de vorseyden weezen by onsen consente, als uppervooghden van den zelven weesen, naer trelaes, dat wys hebben vanden persoonen vorseyd, alsoot behoort, hebben mids zekeren redenen hemlieden daertoe purrende, ende omme betere ghedaen dan ghelaten, wel ende wettelic ter kennesse van ons gherenunchiert ende afghegaen, renunchieren ende gaen af, bi desen presenten lettren, van alzulken goede ende ervachtichede, melten catteylen daertoe behoorende, als daer Maertin de Wilde, bastaert, wylen poortere was deser stede, ervachtich uute verstaerf, staende, ligghende ende streckende binnen der kuere van Poperinghe, onder haerlieder jurisdictie, ende voort van al den rechte, dat zy of eenich huerer daeran emmermeer zouden moghen vermeten of volghen, teenighen wetten gheestelic of weerlic, in wat manieren het ware, ende ditte ten proffyte ende behouf vanden vorseyden prelaet, religieusen ende convend van sente Bertins in de stede van sent Omaers, als heeren van Poperinghen voornoemt; omme den zelven prelaet, religieusen ende convente al dies goets ende ervachtichede voornoemt, metten catteylen daertoe behoorende, alsoot ghestaen ende gheleghen es, ende de voornoemde Maertin de Wilde ervachtich daeruute verstaerf, gheet ende al van nu voort an paysivelic ende vredelic te hebbene, te behoudene ende te ghebruuckene, ende haerlieder vryen wille mede te doene als huerlieder vry, proper, eyghin goet, zonder hemlieden, noch haerlieder hoyr, noch naercommeren, nemmermeer eenich recht daeran te moghen heesschene, vermetene of volghene, by eenighen wetten of anders in eenigher manieren. In kennessen der waerheden, ghegheven onder den zeghele van zaken der voornoemde stede van Ghend, den xxvis'en dach van septembre, int jaer XIHI" vive ende vyftich.

(Signé) Ghvst.

Original. Sceau enlevé.

23�?