1 [13] 1Bussen über frida

○+Ittemb es ist besetztt, wann zwenn gegenn ain anderen stosß hannd geheptt und von innen frid uffgnomen und gmacht wirtt, das dann enntwederenn nuͤtt mer onfruͤntlichs mit dem anderenn zuͦ schaffen haben sol weder mit worten nach mit werchenn, anderst mitt radt und mit recht. Unnd wer dz nuͤtt hielt unnd dem anderen schelltwortt butt über frid unnd im erst dann uffhabenn welt ald thaidt sin unnd siner fruͤnden thuͦn und lassen, schmach unnd schand, es sye war ald nuͤtt, ald in das messer griff ald gegen im thrung older dz ainer jaich: «Der tüfel gehye dich older der thüfel vergelt dirs», wie er dz in zornnß wiß thuͦtt unnd dz konttlich wirt mit ainem biderman, das der den landtlütten zuͦ buͦß verfallenn || sin sol druͤ pfund fuͤnff schillinng pfenig. Unnd sol menklich das laidenn bin sinem aid. Ob aber soͤlliche sach unnd wortt hertte[r]c wurdennd, das soͤlliches an denn lanndtlütten stonn sol, wie man inn füro straff an lib unnd an guͦtt. Ob aber dz nütt konnttlich wurd, wenn dann der, der also über gangen ald farenn soͤlle han, ain aid darfuͤr thuͦtt, das er dann ledig sin soͤlle.1