ii. 5

66

1217 designata in expeditionem exercitus domini letanti animo preparastis proficisci uolentes in eis in mense Aprilis proximo nunc futuro. reli- quis per terram ad portus properantibus opportunos, ne uos tangat maledictio, que imprecatur agentibus opus domini negligenter, sed potius domini benedictio ex alto descendens tamquam obedientie filios totaliter uos obumbret. Non enim cum uxore Loth respicientes post tergum apostate uel retrogradi esse uultis suspirando ad allia et pepones Egipti uelut quidam, quos inuidia diaboli nititur fascinnare, immittens in eos uertiginis spiritum, ut sic ipsos a sancto proposito retrahat bonis studiis moras superuacuas sub quadam prouideutie specie innectendo, sed potius ad propositum uobis brauium cum suumo desiderio curritis festinanter, ne amplius taedere dominum faciatis, qui uestrum aduentum iugiter expansis brachiis cum gaudio prestola- tur, nt uos tanquam carissimos et diu desideratos filios amplexetur stola prima indutos et annulo insignitos et ne forte uobis tardantibus uel sine nobis uictoria prius fiat per illum, cui est facile in paucis uincere, ut in multis uel, cum sibi nullus promittere ualeat uite spa- tium amplioris, non perueniatis, quod absit, ad locum et tempus, ubi ac quando sponsus ingressurus ad nuptias cum prudentibus uirgiuibus accensis lampadibus inuenire desiderat uos paratos, post cuius introi- tum frustra negligentes et pigri cum uirginibus fatuis pulsabunt ad ianuam iam preclusam. Agite igitur, filii reuerendissimi, uiriliter et prudenter nec ab astutiis Sathane uos permittatis seduci, qui quan- doque uenenatis consiliis et interdum terroribus inuertere mentes fidelium machinatur in sue tempestatis area uentilare gestiens uni- uersos sed confidentes in domino et in potentia uirtutis ipsius de nobis etiam firmam fiduciam habeatis. Quia licet ad palmam uos precesserit beate memorie Innocentius P. P. predecessor noster, huius sancti operis feruentissimus inchoator, nos tamen licet indignos unxit dominus et pastorem constituit super suam familiam uniuersam, qui totis medullis totisque affectibus aspiramus ad hoc excellentissimum ministerium consummandum. Porro cum nullus ualeat sine nobis pro- lixiorem sibi terminum ad libitum indulgere, nemo autumare presumat, quod unquam uelit sedes apostolica uel ad modicum terminum pro- rogare, qui fuit nuper in sacro generali concilio constitutus, cum pre multo desiderio nobis et fratribus nostris omnis celeritas sit morosa et quelibet festinantia nimis pigra, eo quod nihil satis cupienti animo festinatur. Accingimini igitur, filii, potenter et ut laudabiliter incepi- stis, estote parati, quia preparationem cordis uestri auris dei et ho- minum acceptauit et sicut prudenter disposuit iam sulcare maria inchoetis, ceteris gradientibus suum iter, ut cum eis domino deducente

r.7

in prefixo tempore perueniatis ad portus in concilio prefinitos, ubi 1217 ad stabiliendum uestrum propositum recipere possitis a nobis consi- lium et auxilium opportunum scientes, quod si qui forsan, quod deus auertat, diabolica fraude seducti uel temporalis seu carnalis amoris delectatione abstracti aliquatenus uel illecti ceruices suas ab onere iam suscepto ad tempus subducere uel excutere indebite molirentur uel super hoc aliis impedimentum prestare, preter diminutionem diuine glorie ac infamiam corporalem coertionem non euaderent uel censu- ram ecclesiastice ultionis, uos autem electi dei et filii Jesu Christi ac primitie triumphalis exercitus domini Sabaoth regis glorie ac uir- tutum super uias uestras ponite firmiter corda uestra nec permittatis, ut candelabrum uestrum quisquam de loco suo amoueat uel aliqui uobis preripiant coronam et gloriam iam paratam. Multi enim per terras et maria certatim properare disponunt in termino prefinito ad tante glorie titulum ante alios conquirendum, inter quos carissimus in Christo filius noster, Ungarie rex illustris ad hoc opus, prout nobis suis literis intimauit, magnifice se accingit. Non ergo quisquam dein- ceps, qui paratus existit, tempus magis opportunum inaniter prestole- tur, cum omne cras sit dubiiun exspectanti, ne qui non est hodie sit cras forsitan minus aptus, dum uox cantantis in fenestra et coruus in superliminari fallaciter exspectantur, sed iuxta consilium sapientis quicquid potest instanter manus cuiuslibet operetur, quia non dormien- tibus sed uigilantibus corona noscitur repromissa.

Datum Laterani vi. kal. Februarii, pontificatus nostri anno primo.

Aus Gelen. farrag. t . H. f. 39, wo der Zusatz: ex archiuio metropolitano.