useridguestuseridguestuseridguestERRORuseridguestuseridguestuseridguestuseridguestuseridguest
Charter: Dokumenty miasta Lublina DmL, sygn. 1
Signature: DmL, sygn. 1
Zoom image:
Add bookmark
Edit charter (old editor)
15 VIII 1317, pod Krakowem
Książę Władysław Łokietek nadaje Maciejowi z Opatowca wójtostwo lubelskie oraz prawo miejskie mieszczanom Lublina. Aussteller: książę Władysław Łokietek Empfänger: Maciej z Opatowca, miasto Lublin
Source Regest: Lublin w dokumencie / http://teatrnn.pl/lublinwdokumencie
 


Current repository
APL

Material: pergamin
Dimensions: 450 x 295 i 340 mm
    Graphics: 
    x
    IN nomine Domini amen. Ne longinquitate temporis obscuretur vel evanescat condicio veritatis cum labilis sit memoria hominum, convenit, ut gesta, que fiunt in tempore tam scripto, quam testium aminiculo roborentur. Igitur nos Wladislaus Dei gracia dux Cracovie, Sandomirie, Syradie, Lancicie, Cuyavique necnon heres Regni Polonie, notum facimus universis presentibus et futuris presentem paginam inspecturis, quod nostri principatus utilitates ac proventus cupientes per amplius dilatare, discreto viro ac provido Mathie advocato de Opatouecz nostro procuratori ac fideli servitori, quem morum probitas et obsequiorum fidelitas nobis gratum et acceptum effecerunt, quod fama publica predicat et facti evidentia attestatur, nostrorum baronum consilio accedente pariter et consensu, in nostra civitate Lublinensi cui pro suste[n]tacione comoda et decenti civium et incolarum inibi pro agricultura in formanda centum mansos de terra culta et inculta iure Maydburgensi mensuratos aplicantes, perpetuo damus, tradimus et conferimus advocaciam sibi sueque legittime posteritati hereditarie valituram cum sexto manso libero ex laneis civitati aplicatis, tercio denario iudicati et cum macellis, thabernis, mensis panum et sutorum universis, sexta camera pannorum et cramorum, mactatorio, quod cutelhow appelatur in wlgari et balneo necnon cum molendinis quotque in fluviis construere poterit intra metas civitatis supradicte et piscinis, in quibus habeat omnimodam facultatem pisces piscandi seu prendendi arte quacumque, quod aliis penitus inhibemus. Que omnia et singula idem advocatus libere possidebit absque ulla solucione nobis inde facienda facienda. Volumus eciam, ut advocatus et cives memorati omnino gaudeant iure Theutonico Maydburgensi, aliis iuribus et conswetudinibus procul motis, que ius prefatum consweneruntc perturbare decernentes, quod cives iam dictos in omnibus causis magnis et parvis, fures eciam et latrones, qui in metis eiusdem civitatis fuerint deprehensi seu adducti, idem advocatus in omnem iudicii eventum iudicabit, prout dictum ius exigit et requirit, iudicio et iurisdicione palatinorum, castellanorum et quorumlibet iudicum non obstante, coram quibus cives prelibati et alii ad forum pertinentes advocati non tenebuntur respondere, nisi coram advocato supradicto, a quorum eciam iudicio advocatus supradictus et successores ipsius sint liberi et exempti, sed coram nobis tenebuntur respondere, suo tamen iure, dum per nostras literas, nostro sigillo consignitas fuerint evocati. Et quamquam ipsi cives vel alii ad iurisdicionem advocati pertinentes, de suo iudicio ad nostram curiam se traxerint appelando, nichilominus advocatus suo tercio denario, qui tunc ex nostro iudicio nomine pene provenerit non carebit. Item statuimus, quod cives dicti habeant expulsionem pecudum ad tres parte[s que] sco[tni]k vocitat[ur in] wlagari, de [civitate] supradicta. Ut autem comodius et melius possit locari civitas memorata, omnibus civibus ipsam inhabitantibus, per [nostra domi]nia quo[cunque] iver[int] cum ipsorum m[er]cibus sive ad emendum aut ad vendendum, a solucione theloniorum imperpetuum, a censu autem nostro et universis serviciis et gravaminibus infra spacium viginti annorum damus et concedimus plenariam libertatem, qua evoluta cives de quolibet manso monethe usualis fertonem annuatim nobis solvere tenebuntur. Admittimus eciam advocato et posteritati ipsius sepefatis, quod advocaciam supradictam possint vendere, commutare, donare et in aliam personam transferre, quandocumque ipsis videbitur oportunum. Ad cuius rei evidenciam firmiorem, presentes sibi dari mand[a]vimus, nostrorum sigillorum munimine roboratas. Actum aput Cracoviam, anno Domini Mo CCCo decimo septimo, in Assumpcione beate virginis Marie, presentibus hiis testibus: comite Pacozlao castellano Cracoviensi, Nauogio Sandomiriensi, Thomisla[o] Cracoviensi palatinis, Petro Sandomiriensi, Floriano Wisliciensi, Spicimiro Sandecensi castellanis. Datum per manus magistri Francisci can[celarii Cracoviensis].
    Source Fulltext: Lublin w dokumencie / http://teatrnn.pl/lublinwdokumencie
    Editions
    • 1. J. Bandtkie, Jus Culmense cum Appendice privilegiorum et jurium selectorum municipalium et Dissertatione Historicojuridica exhibitum, Varsoviae 1814, s. 303­305 – 2. Kodeks Dyplomatyczny Małopolski. II, nr 569 – 3. E. Hoff, Lublins Gründungshandfesten zu Deutschen Recht 1317/1342 mit Beiträgen zur Schrift und Siegelentwicklung unter den letzten Piasten in Polen, Krakau 1942, s. 13­16, 18­21 – 4. J. Mazurkiewicz, Jurydyki lubelskie, Wrocław 1956, s. 134­135 – 5. J. Szymański, Dokument lokacyjny Władysława Łokietka z 1317 roku, w: Lublin 1317­1967, pod red. H. Zinsa, Lublin 1967, s. 282­287 – 6. Idem, Nauki pomocnicze historii, Warszawa 1983, s. 732­735 i następne wyd


    Languagej. łaciński
    Places
    • pod Krakowem
       
      x
      There are no annotations available for this image!
      The annotation you selected is not linked to a markup element!
      Related to:
      Content:
      Additional Description:
      A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.