Wir Albrecht etc. bekennen, als vnser lieber getrewr Hans von Liechtenstain von Nicolspurg der elter die vestt Ebelsperg mit ir zugehörung in allen den rechten, als er die hat ynngehabt, zu kauffen geben hat vnserm lieben getrewn Hainreich von Wallsse nach lautt der brief, die daruber geben sind, daz wir nach der egenanten des von Liechtenstain vnd des von Wallsse vleyssigen pete als fürst des landes vnsern willen vnd gunst darzu geben haben, vnd besteten auch denselben kauff wissentlich mit krafft dicz briefs, waz wir daran durch recht bestetten sullen oder mugen vngeuerlich. Mit etc. Datum ze Wienn an Eritag nach martinj LXXXXVI.

Source Fulltext: OÖUB 11 (Wien 1983), S. 557