Ich Hai^enrich von Waltse, von Enns Vnd ich Weykchart von Winkchel, vergehen, offenbar, mit. dem. brif. vnd tün chünde: Als der Edel. hochgebörn. fürst. Herczog. Albrecht. cze Österreich, ze Steir, ze Chernden. vnd. ze Krain, Graf ze Tirol etc. vnser genediger liber herr. ains tails, gegangen ist. hinder mich. Weykcharten. von. Winkchel. vnd. vnserr Öhaim, Rüger von Starhenberg der Iünger. gegangen ist. hinder mich hainrich. von Waltse. des andern tailes von wegen fümf. hündert phunt. wyenner. phenning, an dem Chau^eff. der Veste ze Starhenberg, das wir. zwischen. in. darvmb söllen aussprechen; Sprech wir mit ein ander. vnd sein des über ain chömen, als wir vns in der chüntschaft eruaren. haben Das vnser Herr, Herczog Albrecht ze Österreich, ze Steir, ze Chernden vnd ze Krain, Graf ze Tirol etc. Rügern von Starhemberg dem Jüngern vnserm Öhaim. der egemelten fu^omf. hündert phünt wyenner: phenning geben. vnd beczalen. sol. auf Mittuasten ze nachst. zu^o chünftig, Dritthalb. hündert. phünt wyenner phenning, Vnd sol. der fumf hündert phu^ont, phenning. ga^enczleihen da mit. Ledig sein. Mit v^orchunde des brifs besigelt. mit vnser baider aufgedrüchten Insigeln. Geben. ze Enns. an dem. verpargen vnser. Vraw^een. tag, Anno Septuagesimo Nono.

Source Fulltext: OÖUB 9 (Wien 1906), S. 762-763