Ich Vlreich van Liechtenekk vnd ich Elzwetht sein hausfraw vnd all vnser erben veriechen — daz ich versacz (!) han mein vetern hern Albrecht van ottenstain den Eltern vnd mein vetern hern hainrich van liechtenekk vnd mein Pruder Chunrat van Liechtenekk ze purgel vnd ze selbgescholl hincz chunrat dem Neydekker vnd hincz all sein erben vmb Sechczig phunt wienner phenning auf de weinachten, dew schierist choment, vber ain jar vnd waz sew der selben saczung schaden nement, ez sey mit laystung oder hincz juden oder hincz christen, — den selben schaden mitsampt dem haupgut schullen wier jn mit gutem willen genczleich ablegen vnd widerchern — vnd auf allem vnserm gut, daz wir haben in dem lant ze O^esterreich — vnd dez ze Vrchunt gib ich in den prief versygelt mit meinem anhangunden jnsygel, darzu han ich gepeten den erbern chnecht otten den Eyczinger, daz er sein jnsygel zu ainem warn zewg der sach an den prief gehangen hat jm an schaden. Geben nach christi gepurd drewczehen hundert jar, darnach in dem acht vnd Sybenczkisten jar an sand Niclas Tag.

Source Fulltext: OÖUB 9 (Wien 1906), S. 541