Ich Chünrat der Weippot di czeit Hofmaister in Glenncher Hof ze Chrems vnd ich Elspet sein Hausurow vnd all ünser erben, Wir vergehen, — —, daz wir,— —, mit pürchfröwen||
Hant der ersamen geistleichen frown Swester Vrsula der Liechtenekkerin di zeit Priorin ze Minnpach verchaufft haben vnsern weingarten gelegen an dem Püchtal ze Minnpach ze nöst dem Simendlein des drew viertail sind vnd do von man geit ze pürchrecht der v.orgenanten Pürchfrown vnd irn nachchömen alle jar drey phening an sand Michelstag vnd zwelif schilling wienner phening ze dinst dem conuent doselbs ain phunt an aller Heiligen tag vnd ain Halb phunt an sand Johannstag ze weichnachten vnd nicht mer, denselben weingarten haben wir, — —, verchaufft, —, vmb ains vnd dreizzik phunt wienner phennig, —, der ersamen geistleichen frown Swester Chlaren der Holzhaimerin in dem Chloster ze Minnpach ledichleich vnd freileich inn haben,— —, vnd sein auch wir des vorgenanten||
weingarten ir recht gewer, —, nach des Lanndes recht ze Österreich. — —:, daz di red also stet sey vnd hinfür gancz vnd vnczebrochen beleib, dorüber so geben wir der vorgenanten geistleichen frown Swester Chlaren der Holczhaimerin ze Minnpach den offen prief, —, versigelten mit der vorgenanten purchfrow^en Swester Vrsula der Liechtenekerin anhangundem Jnsigel vnd wann ich obgenanter Chunrat der Weijpot die zeit nicht aigens Jnsigels gehabt han, des hab ich gepeten den erbern Herren Hern Gundakchern den Werder, daz er der sach geczewg ist mit seinem anhangundem Jnsigel,— —. Der prief ist geben nach christi gepurd drew czehen hundert Jar darnach in dem Sechs vnd Sibenczigistem Jar an sand Cholmans tag.

Source Fulltext: OÖUB 9 (Wien 1906), S. 150-151