Ich Eberhart von Chappelln zden zeiten hauptman ze Ens vnd phleger datz Scherdingen vnd ich Hans von Chappellen sein vetter vnd mit v^ens alle vnser eriben wir veriehen offenbar mit dem brif vnd tv^enn chu^ent allen den di den sehent oder ho^ernt lesen di nu^e sind vnd hernach chu^emftig werdent, daz vnser seliger herr her Jans von Chappelln dem Got genade in v^onser frawen eren ain chappelln cze Mitterberch in dem innern varhof gepa^ewet hat vnd hat di gewidemt mit den guetern di hernach verschriben stent, von erst der hof imm Chrotental da der Lempel ist emaln au^ef gesezzen, dint czehen schilling pfenning an sand Jo^ergen tag czehen schilling pfenning an sand Cholmanstag ain vaschang hu^en; ain lehen dabei da Heinrich vnd Chriztan auf siczent, dint an vnser frawen tag zder dinstczeit sechs schilling new^eer pfenning; ain hofstat in der Sazze dint an vnser vrawen tag zder dinstczeit ain halbs phu^ent new^eer phenning; dev gu^et ligent in Altenbu^erger pharre. In Trageuner pharre ain gu^et genant auf dem Perig ist gewesen dez Sigenhofer, dint an sand Jo^ergen tag czwainczig pfenning czehen meczzen chorns achczehen meczzen habern gemêzzens siben pffenning fu^er har eze weich nachten sechs vnd dreizzig pfenning fu^er eru^eng czehen pfenning ainen halben meczzen arbais ain virtail magen; ain gu^et am Pru^ennperig dint czehen schilling pfenning an sand Jo^ergen tag sechczig aier czwo gêns vier herbsthuener. Daz gut ist der chappelln sacz von den O^edern fu^er sechczehen phu^ent pfenning, vnd wanne daz gut gelo^ezt wirt so schol der chappellan cze, Mitterberch ainen andern gelt chau^effen czu^e der chappelln vmb di selben pfenning nach des herren rat der Mitterberch inne hat. In Schonawer pharre ain hu^eb am Gu^ekkenperig dint an sand Jo^ergen tag achczigpfenning ain vaschang hu^en; jn Mu^enzpechker pharre ain hu^eb am Pühel dint an sand Jörgen tag sechczig pfenning sechczig aier vier ches ieder vier pfenning wert, cze pfingsten vier ches igleicher vier pfenning wert, ainen halben meczzen magen ainen halben meczzen arbais ain gans ain schv^et harbs sechs herbsthu^ener cze weichnachten prot czwainczig pfenning wert, ain schu^eltern fu^er czwelif phenning czwaie vaschang hu^ener. In Perichiricher pharre datz Pa^esching daz lehen, dint an v^enser vrawen tag czder dinstczeit siben schilling newer pfenning; ain hofstat cze Lenpru^enne da der Reiffenstainer auf siczt, dint dreizzig aier cze pfingsten ainen ches vir pfenning wert, czwen snitter an vnser vrawen tag zder dinstczeit dreizzig newe pfenning cze weichnachten prot czehen pfenning wert. In sand Valteins pharre dacz Lantsydel ain hu^eb, dint an v^enser vrawen tag zder dinstczeit siben schilling newer pfenning, an sand Michels tag cze ainer gesaczten stew/^r drei schilling pfenning, vnd ain weingart bei Spitzze leit dacz Pu^orch dez ist ain halbs ieuch vnd ist weilent gewesen Wu^elfing des Holczer. Nu^e hat der selb v^enser herr der selben gueter der chappellen dhain bestetigung nicht gemacht bei seinen lebentigen czeiten in dem sinne als er gedacht het. An di selben andacht hab wier gedacht vnd bestetigen der chappelln alleu^e deu^e gueter die vor benant sind an dem brief mit v^ensern insigeln mit alle deu^e, vnd darczu^e geho^ert cze holcz cze veld, iz sei gestift oder vngestift, versu^echt vnd vnuersu^echt, swie so daz genant ist also beschaidenlichen, daz wir oder wer daz haus cze Mitterberch inne hat diselben chappelln vnd di gueter mit alle deu^e vnd darczu^e geho^ert leihen schu^ellen ainen chapplan wer vns darczu^e geuellt, vnd derselbe schol danne die gu^eeter inne haben vnd niezzen mit allen den rechten eren vnd nu^eezzen vnd darczu^e geho^ert an allen chrig. Wir sein auch der chappelln cze Mitterberch vnd dez chapplans daselben der obgenanten gueter gewêrn vnd scherm fu^er alle ansprach wo in dez du^erft geschicht nach lancz recht in O^esterreich, vnd gieng in daran icht ab mit recht, daz schu^ell wir in auzrichten nach lancz recht. Daz lob wir in mit /evnsern trewen, vnd schullen sie daz haben au^ef aller der habe di wir haben in dem lant cze O^esterreich wir sein lebentig oder to^ed. Wir schu^ellen auch oder wer daz haus cze Mitterberch inne hat der chappelln vnd der êgenanten gu^eeter vnd des gu^eczs daz man chauft vmb di sechczehen pfu^ent pfenning von den O^edern rechter getrewer eribvogt sein an geuer. Vnd daz der chappelln cze Mitterberch vnd dem chapplan da selben allez daz vorgeschoben an dem brief ist also stet vnd v^enezebrochen beleibe, daru^eber cze ainem sichtigen ewigen v^erchu^end geb wir ich Eberhart von Chappelln vnd ich Hans von Chappelln der êgenanten chappelln cze Mitterberch vnd dem chapplan daselbe den brif versigelt mit v^enser baider anhangv^enden insigeln, vnd czv ainen geczeu^egnu^eezze vnd pêzzer sicherhait mit der erbern herren herren Eberharcz von Waltse hau^ebtman ob der Ens vnd hern Eberharcz von Dachxpêrch anhangûnden insigeln. Der brif ist gegeben dacz Ens, do man czalt von Christes gepu^erdt dreu^eczehen hundert iar dar nach in dem êcht vnd fu^emfczigistem iar dez no^echsten eritags vor dem prehentag.

Source Fulltext: OÖUB 7 (Wien 1876), S. 546ff., Nr. 536