Wir Ott von gotes gnaden Herczog ze Oˆsterreich vnd ze Styr veriehen vnd tu^en chunt mit disem brief, Daz wir den erbern geistleichen Levten . dem Brobst vnd dem Conuent ze dem Slegel, daz vnser vrowen stift ist, zv vordrist durch got vnd durch vnser. . vnsrer Bru^eder vnd unsrer vordern Hail vnd selde willen di gnad getan haben vnd tu^en ouch mit disem brief Also, daz si ewichleichen ains in dem jar, swenne ez in fu^egt, an vnsrer Maut ze Lincz vnd an andern vnsern Mavtten auf dem wazzer verfu^eren mugen ein phunt weites salczes vnd vier phunt chlaines salczes an Mautt vnd an alle ierrung. Vnd dovon gebieten wir allen vnsern Mauttern und Ampleuten, di auf der Tu^enow gesezzen sint, vestichleich vnd wellen, daz si in noch iern Dyenern, di in disen brief zaigent, dhain irrung dar an tu^en vnd si daz verfu^eren lazzen an alle Mautt, als vor geschriben ist. Vnd daz in di gnad stête beleibe, geben wir in disen brief zv^e einem offen vrchunde versigelten mit vnserm jnsigel, Der geben ist ze wienn an Mentag nach sand Mathietag des Zwelfbotten, Do man zalt von Christes geburt Driuzehen hundert jar, darnach in dem Ain vnd Dreizgistem Jar.

Source Fulltext: OÖUB 6 (Wien 1972), S. 3, Nr. 3