Wir Graf Heinrich von Scha^ewenberch veriehen offenleichen an disem prief fu°r vus vnd fu°r all vnser Pru°der vnd Erben, di iezo lembtich sint oder noch chunftich werdent, daz wir durich vnser vnd vnser vodern vnd Nachchomen hail vnd sa^eld di aygenschaft des Lintzhofs, der vor der Stat ze Jbs gelegen ist, vreyleich vnd ledichleich au°fgeben haben dem Spital zu der selben vorgenanten Stat also beschaidenleich, daz man aller vnserer vodern sel vnd vnser vnd vnserer Nachchomen sel ewichleichen all jar des Montags nach sand Jacobs tach in dem Snite einen jartach haben vnd begen sol recht vnd redleich an geva^er Vnd einem yegleichen Sihen in dem selben Spital sol man dez selben tags vier Ayer geben. Vnd wa^er, daz aines solhen heyligen tag an den selben tach geviel vnd man daz selgra^et begen sol, daz man sein nicht begen mo^echt, alz vorgeschriben ist, So sol man ez dornach an dem na^echsten tag begen an alles geva^er. Vnd wa^er auch daz, daz ez gesau^empt oder verzogen wrd, daz man daz selgra^et ewichleich alle iar, alz vorgeschriben ist, nicht begieng, so hat sich di aygenschaft dez selben Hofs von dem Spital wider in vnser vnd vnserer Nachchomen gwalt veruallen an allen chriech vnd ansprach. Vnd daz in daz also sta^et vnd vnzerbrochen beleib, genben (sic) wir in disen brief versigelten mit vnserm Hangendem Insigel. Daz ist geschehen, da man zalt von christes gepu^ert drevtzhenhundert iar, darnach in dem Dreyzzichistem iar an sand Marteins tach.

Source Fulltext: OÖUB 5 (Wien 1868), S. 587-588, Nr. 586