Wir Albrecht vnd Alram Grafen von Halls verjehen vnd tyn chvnt allen, di disem (sic) Brief an sehent oder ho^erent lesen, daz vnser lieber sa^eliger vater, dem got gnad, an seinen letzeten Zeiten vnserm getrewen Albrechten von Tannberch dvrch die gnad vnd trewe, di er zv im het vnd im schvldich waz zehen phvnt herren geltes Regenspurger phenning; vns hat auch vnser vorgenant getrewer Tannberger an vnserm gelt hintz wels gelihen, da grozzer schad mit laistvng avf vns vmb gie, zwai hvndert phvnt vnd dreizzich phvnt pazzawer pfenning vnd vmb di selben pfenning vnd auch fvr di zehen phvnt herren geltes haben wir im gesatzet vnd in geontbu°rtt Auroltzmvnster vnd swaz dar zv geho^ert, Leut vnd Gu^et mit allen nvtzen versu^echt vnd vnuersu^echt. Er sol au°ch di selben Leut vnd Gu^et stiften vnd enstiften, handeln vnd wandeln an all irrvng als sein selbs vrbor vnd gu^et, wir veriehen au°ch, als langs der vorgenant albrecht seint vnsers vater Todes der zehen pfvnd geltes auz gelegen ist, daz er di selben pfenning, der er ia^erlich bericht sult sein, auch au°f dem vorgenanten gu°t haben sol. wa^er auch, ob er auf daz gu^et icht legt oder dar auf icht pawe\at, swelherlai daz wa^er, daz fvr not wa^er oder sein selbers nottv^erft, daz er daz auf den selben Leuten vnd guten haben sol. wa^er au°ch, daz wir von im lo^esen wolden ze losvng zeit, so svllen wir widerlegen im vnd au°z richten, swaz im vnser sa^eliger vater geschafft hat, zehen pfvnt herren geltes regenspurger pfenning vnd au°ch swaz er der selben pfenning auz gelegen vnd vnbericht gewesen isl vntz her, der er ia^eileich bericht solt sein, als oben beschriben stat, wir svllen im au^ech widerlegen, swaz er au^ef daz pawe gelegt hat, daz er bi seinen trewen gesagen mag oder nach vier manne rat, der wir zwen vnd er zwen nemen su^ellen vnd swenn wir in dez allez berichten, so mvgen wir wol von im lo^esen, ob wir wellen, wa^er au^ech, daz er selb darzv icht chav°fft oder gewunne au°z ander La^eut gewalt oder ob vns icht ledig wu^erd vnd ob wir im daz verlihen, daz geho^ert in di losvng nicht vnd als wir von im lo^esen, so mvgen noch ensvllen wir im nichtz daran engen noch irren, daz im daz also sta^et vnd vnzebrochen beleib, gebn wir im dar vber ze einem offen vrchvnde disen Brief versigelten mit vnsern jnsigln, der Brief ist geben ze Scherding, do man zalt von Christes gebvrt Tausent jar, dar nach dreu hvndert jar, in dem zweleften jar dez na^esten tais (sic) nach sant Michels tag.

Source Fulltext: OÖUB 5 (Wien 1868), S. 89-90, Nr. 86