In nomine sancte et individue Trinitatis. Arnolfus divina favente gratia Rex. Oportet igitur nos, qui divino sumus munere quodamodo prae ceteris mortalibus sublimati, ejus in omnibus parere praeceptis, cujus clementia praelati sumus atque cujus praecellimus munere, loca utique sibi dicata per peticiones fidelium nostrorum nostro relevari juvamine atque regali tuimine, quoniam hoc nobis et ad mortalem vitarn temporaliter transigendam et ad eternam feliciter obtinendam profuturum liquido credimus. Quapropter comperiat omnium nostrorum fidelium praesentium scilicet et futurorum sollercia, qualiter quidam venerabilis Archiepiscopus noster Diotmarus veniens in procerum nostrorum praesentiam postulavit serenitatem nostram, ut ob mercedis nostre augmentum quasdam res proprietatis nostre ad sanctam ecclesiam Juvavensem, que est constructa in honore sancti Petri et sancti Roudberti confessoris Christi, ubi corporaliter requiescit et ipse praedictus venerabilis Archiepiscopus praeest, in proprium jure perpetuo permanendum concedissemus. Cujus peticioni ob amorem domini nostri Jesu Christi seu ob remedium animarum antecessorum nostrorum ac beate memorie domni ac genitoris nostri nostreque mercedis augmentum libenti assensum prebentes decrevimus ita fieri. Tradimus itaque atque firmamus ad predictum monasterium sancti Petri sanctique Rodberti primitus Castellum sancte Erndrudis cum omnibus juste atque legaliter ad eundem Castellum pertinentibus, cum venacionibus, curtibus, piscationibus, id est ab ecclesia sancti Martini, que respicit contra monticulum, qui vulgo Nochstein nuncupatur, Sursum ex utraque parte fluminis Juaris nominato usque in rivulum quartinespach et Retilinstein . . Insuper tradimus atque firmamus sancto Maximiliano .... in aquilonari parte fluit in praedictum flumen atque rivulus Gastuna in australi parte. Insuper etiam firmamus ad praefatum monasterium Juvavensem forestem a termino, qui in pisoncia incipit, hoc est de rivulo Erilipach usque ad acutum montem, qui diotisce Wassinberch dicitur, prope iscalam in illo loco, ubi terminus forestis Bapotoni comitis se ab isto disjungit, et in aquilonari parte de rivulo Tinnilinpach usque in summitatem montis Cirvancus nominati et de jam dicto monte VVassinberch usque ad praefatum monticulum Nochstein, illa montana omnia, que in potestate antecessorum nostrorum fuerunt et nostra, ad jam dictum monasterium firmamus, Curtem quoque ad piscofesdorf cum omnibus juste ad eandem curtem pertinentibus atque piscacionem in lacu Atarse yocitato sine alicujus hominis contradictione, illos quondam praedictos XII. privatos tractus, sicut dominicalis terra se ad Poumgartin ipso lacu adjungit, sine alia communi piscacione in Atarse ad Atarhof pertinenti de potestate nostra. Firmamus etiam istas curtes in proprium, que antea inibi in beneficium fuerunt sive ex parte antecessorum nostrorum vel nostra sive ex alterius cujuslibet parte ibi antea beneficiata fuissent, quarum hec sunt nomina: Ad Scafarafeld curtem et aecclesiam cum decima et sicut ille terminus in australi parte incipit, qui VVagreini dicitur, ultra ipisam et in occidentali usque dum ducitur, ubi urala se dimittit in praefatum amnem, Et quicquid in origentali parte jam dicti fluminis habere videmur, per totum tradimus ad praedictum monasterium exceptis duobus piscatoribus cum eorum ruribus in aquilonari parte, Ad Magilicham terciam partem civitatis et sicut ille terminus se disjungit de illis rebus in occidentali parte, quas quondam ad sanctum Emmerammum antecessores nostri tradiderunt, totum in termino origentalis ad praefatum monasterium tradimus exceptis hobis tribus. Ad Arnesdorf id est ad VVachavvam, quidquid ibi habuimus, cum vineis et saginacione et monte querceato pratisque inter ipsum querceatum montem sitis et inter silvam paltam vel quicquid in ipsis silvis habuimus, totum in usum praedicti monasterii concedimus. Ad Grunzita quicquid superfuit hobis quinque, quas fideli nostro dedimus Dietrico, hoc sunt hobas L. Ad Liubinam, ad Holunburch tertiam partem civitatis cum vineis XXX. et hobis XV. sine curtili terra. Ad Treisimam civitatem et ecclesiam sancti Martini cum decima et sursum in australi atque origentali parte fluminis treisima usque ad Potilinesprunnin et sicut Dietrichespach fluit contra duos acervos, qui in origentali parte campi positi sunt, et exinde usque Danubium in illum Iocum, qui tripoliza dicitur, et ita sursum prope Danubium cum agris, pratis, cultis et incultis, auuis, locis piscacionum, que diutisce arichsteti vocantur, et ita sursum usque ad illam marcham, que inter Treisimam et Holunpurch utrasque res discernendo dividit. Ad Penninvvanc quicquid ibi habuimus, Ad aecclesiam Anzoms, Ad VVitinesperch quicquid ibi habuimus excepto, quod Mosogovvoni dabamus propter fidele servitium, hoc est hobe C. Ad aecclesiam Ellodis aecclesiam Minigonis presbyteri. Ad Guntpoldesdorf quicquid ibi habuimus. Ad rapam, ad Sabariam civitatem et aecclesiam cum decima et theloneis, vineis, agris, pratis, pascuis, forestibus, montibus cunctisque ad eandem civitatem juste et legitime pertinentibus, Ad Siccam Sabariam, Ad Peininchaha, ad Mosaburch abbaciam, ubi sanctus Adrianus martir Christi requiescit, quam antecessores nostri ad jam dictum Monasterium tradiderunt et nos firmamus ac nostra ex parte augmentamus. Nonam quoque de omnibus nostris Curtibus inibi cum theloneo in civitate et piscina adjicimus. Ad Salapuigin curtem cum CCC. mansis et totidem vineis vel quicquid ibi habuimus. AEcclesiam ad quartinahu, AEcclesiam ad gensi, ad V. aecclesias cum theloneis ac vineis, forestibus et cum omnibus, que ab antecessoribus nostris antea beneficiata fuissent, firmamus in proprium. Ad Buginesfeld quicquid ibi habuimus, Ad Durnavva aecclesiam, que est constructa in honore sancti Ruodberti ceterorumque Sanctorum quam plurimorum martirum, cum monte parauuoz nominato, cum vineis, agris, pratis, silvis et cum omnibus, que ibi videmur habere, circa montem sitis. Ad Pettouiam aecclesiam cum decima et duas partes civitatis cum bannis, theloneis et ponte, que ab antecessoribus nostris illo tradita fuerunt, et ex parte nostra addimus tertiam partem civitatis, que propfietas carantani fuit illique diiudicatum est eo, quia reus magestatis nostre criminatus est constare, exceptis subnotatis rebus, quas uxori illius propter fidele servitium concessimus, Id est in superiori civitate in origentali parte civitatis ipsius curtilem locum, ubi nova ecclesia incepta est, atque in inferiori civitate in occidentali parte civitatis ipsius illa curtilia loca, que in potestate tunc habuit cum hobis C. et vineis X. in Zistanesfeld, ubi nunquam antecessores nostri alicui quicquam dederunt, propter fidele servicium praenominati Archiepiscopi tribuimus ad praefatum monasterium, sicut acervos duo prope Travum positi sunt ex summitate. terminis, qui VVagreini dicitur, et ita sicut ille VVagreini tendit usque dum Trevvina fluit in amnem Travum, ad Sulpam civitatem Zuip vocatam cum omnibus juste ad eandem civitatem pertinentibus, cum quercetis et campis, sicut illa fossa, que incipit de Muora et tendit usque ad Luonznizam et ut Luonzniza et Sulpa de alpibus fluunt, quicquid inter has duas amnes habemus, totum ad praedictum monasterium concedimus et forestum Susel cum panno, sicut in potestate antecessorum nostrorum fuit et nostra, venacionemque in dulcis vallibus, quam populus cum sacramentis in potestatem nostram affirmavit, id est epdomadas III ante equinoctium autumpnale ac postea usque in natalem sancti Martini ad venandos ursos et apres. Ad Lumnicham juxta rapam quicquid ibi habuimus. Ad Nezelinpach, ad Sabnizam aecclesiam et curtem cum mansis L. Item ad rapam ad Tudleipin, Ad Labantam aecclesiam sancti Andree, uti antecessores nostros ad jam dictum monasterium firmaverunt cum decima, ut ibi consuetudo est, et de curtibus nostris adicimus decimam, ut in sacris codicibus habetur, nec non et saginacionem in omni labanta valle excepto monte forest nominato propter venacionem nostram. Ligna quoque secanda ad aecclesiam et ad aliud servicium episcopi tam in ipso monte quam in aliis omnibus montibus concedimus et unam fossam ruderis in monte gamanara semper per totum annum habendam. Ad Gurcizam beneficium Engilbaldi. Ad carantanam aecclesiam sancte Marie cum decima, sicut ecclesiasticus praecipit ordo, de curtibus nostris, id est de carantana civitate aliisque curtibus ad eandem civitatem pertinentibus, id est Trahof, Gravindorf, Curnuz ibique ad Curnuz operarios servos II. in monte cum hobis illorum, ligna secanda in ipso monte sine contradictione ministrorum nostrorum, cum saginacione, Trebina, Astarvviza, Chrapucfeld, Vitrino, Friesach, Curca, Grazluppa, Lungovvi, Sublich, Tiufinpach, Chatissa, Pelissa, Chubenza, Undrima, Linta, Lieznizha, Prucca, Muonza, Liubina. Ad Strazzinalam duo loca Ea videlicet racione, ut ab hodierna die et deinceps praedicte res ad praedictam casam sancti Petri et sancti Roudberti, ubi eciam ipse corpore requiescit, jure perpetuo permaneant absque alicuius contradictione nee ullus successor noster aut dux vel comes sive vicarius seu qualibet ulla vicaria potestas de praedictis rebus, quas prenominavimus, potestatem habeat inde quippiam abstrahere, Sed per hoc nostre auctoritatis praeceptum, sicut prediximus, ad predictum locum sancti Petri et sancti Ruodberti ubi etiam corpore requiescit in Salzburch civitate absque alicujus molestia vel inquietudine sint. Et (ut) hec auctoritas largicionis ac confirmacionis nostre firmior habeatur et per futura tempora a fidelibus nostris verius credatur et diligencius observetur, manu propria nostra subter eam firmavimus et anuli nostri impressione assignari jussimus. Signum Domni Arnolfi (Monogramma) serenissimi Imperatoris. Hebarhardus notarius ad vicem Grimaldi Archicapellani recognovi et subscripsi. Data XII. Kalendas Decembris Anno Christi incarnat. .... Domni Arnolfi serenissimi in origentali Francia regnante, Indictione VIIII. Actum Matahhoua villa regia in Dei nomine feliciter. Amen.

Source Fulltext: OÖUB 2 (Wien 1856), S. 34-38