Ich Friedreich ze den zeiten Schreiber vnd Phleger dez edlen hern hernEberharcz vonWalsse vergich vnd tvn chunt offenlich an disem prief allen den, di in sehent vnd horent lesen, di nu lebent vnd di noch her nach chunftig werdent, daz ich mit wol verdachtem mut vnd mit meiner hausvrowen vron Annen gvtem willen vnd mit gunst aller meiner erben geschaft vnd gegeben han nach meinem tod durch vnser baider sel hail willen den weingarten der haizzet di Sachsensaczze der gelegen ist dacz Rechp er ch da ich von dien alle iar mein vrowen von Minnpach zehen phenning an sant Michels tag ze rechtem purchrecht, den vor genanten weingarten han ich geschaffet vnd gegeben nach meinem tode den vrowen vnd dem gotshaus dacz sant Bernhart, von dem selben weingarten alle iar an den vier vnser vrauven tagen an ainem iglichen tag vnser vrowen der sampnung geben schol z e a i n e r pitancze ein phunt phenning vmb fische, daz di selben vrowen meiner sel vnd meiner hausvrowen sel ewichlich da von ge- denchen, vnd schol auch der selb weingart ewichlich pei dem vor genanten gotes haus beleiben, vnd han auch ich den vorgenanten Weingarten dem vorgenanten gotshaus gemacht vnd bestetigt mit meiner vrowen hant vnd gvtem willen vron Offmein der

296 DAS STIFTUNGSBCCH

Priorynne ze Minnepach, Daz dev red vnd diez geschaft also stet beleibe vnd vnverchert, dar vvber gib ich vorgenanter Fried reich den vorgenanten vrowen dacz sant Bernhart disen prief ze einem vrchunde bevestent vnd bestetigt mit meinem anhangvn- deminsigel, vnd mit der vorgenanten meiner vrowen insigel vron Offmeyen, der priolynne dacz Minnpach. Der prief ist gegeben, da von Christes gepurt sint vergangen tausent iar drevhun- dert iar dar nach in dem ain vnd zwainczigistem iar des nechsten Eritagesnach sant Andres tag dez zwelifpoten.