Wij her diderik Tytze prouest to Walsrode vor Hille van lerbeke priorend vnde de gantze gheyst- like samelinge dar sulues bekennen openbar in dussem breue, dat wij na inholde des testamentes vnses leuen Heren helmoldus buschers zaligher dechtnisse vnde vmme siner leue vnde truwe willen de wij an ome Hebben bevunden, Hebben geuen vnde ghcuet in krafft desses breues vor Tibbeken Busschers syner suster vnser vnser («c) Juncfrouwen in vnseme closter ere lenedage dre gülden gheldes In den achte daghen to paschen rowelken to geuende vthe der renthe ghekoft bij dem Rade to luneborch sundcr vor. togh edder hindere, dar vor se schal flitliken vor sine zele bidden vnd der bruken to orem behoue. Wen se ouer vor »allen is van dodes weghen, so schullen de vorben. dre gülden weder »allen vnde komen an de nuth vnde eghendomes vnses closters alzo se ersten weren, Dcsset loue wij vre truwelken to holdende vnde to geuende, vnde hebbet des to ener waren bekantnisse vor vns vnde vnse nakomelinge vnser beyder Jng' gehenghet an dessen breff na christi gebort, ^rma domini m oeco quinqusgelimo Ie«unda cluminics prims post fellum e«rpuri8 eristi.