CCLXXXVIII. Baldewin SchuMheifsen Simons Sohn von Bernkastel gelobt , seine Ansprüche an die zur Herrschaft Hunolstein gehörigen Leute nur vor dem Gericht zu Hunolstein zu verfolgen. 1357 Juni 10. Ich Baldewin Scholtissen Simons soin von Bernkastel dun kont allen luden vnd bekennen an desem brieue, das ich geloifft han vnd vffentlich zu den heiligen gesworen, So wat ansprache ich han oder haben mach biz vff disen hudigen dag an de lude de zu der Herrschaff van Hunoltzstein gehorent, sy sin man ader wyff, Edel ader vnedel, daz ich da van zu rechte stan sal zu Hunoltzstein in deme gereichte vnd> nit vurworten, an allerleige argelist vnd geueirde. Des zu vrkonde han ich gebeden den ersamen Herrn den Official des Hobes von Triere, daz er des selben hobis Ingesigil vnd dar zu die Schelfen vnd gemeinde zu Bernkastel, daz sy der stede von Bernkastel Ingesigil an disen breiff willen henken. Diser breiff wart geben du man zalte von cristus geburte dusint dru- hondert seben vnd vonftzig Jair des Samptzdagis na vnsers Herrn lychnamsdage. Orig. mit 2 Siegeln im fürstl. Wittgenst. Arch. zu Berleburg.