[Serenissimo principi Lodovico], inclito regi Hungarie, domino eorum capitulum ecclesie Iauriensis orationum in Christo suffragia devotarum. Litteras vestre excellentie [nobis directas recepimus in hec verba]:||
Lodovicus Dei gratia rex Hungarie, fidelibus suis capitulo ecclesie Iauriensis salutem et gratiam. Dicit nobis frater Paulus, abbas de Beel, quod in partem tributi de Kamaron, quam nuperrime a fratribus claustri Beate Virginis de eadem Kamaron, ordinis Predicatorum, in [presentia domini comitis Stephani] Bubeek iudicis curie nostre per formam iuris, prout in litteris ipsius iudicis exinde confectis exprimeretur, [reobtinuit, mediante nostro et vestro] testimonio vellet legitime introire. Quare fidelitati vestre firmiter precipiendo mandamus, quatenus vestrum [mittatis hominem pro testimonio fide dignum, quo] presente Ladizlaus, filius Valentini vel Kopaz, filius Petri aut Ladizlaus, filius Iohannis, de Nema sive Iohannes [filius Iohannis aut Michael dictus Ruffus] de Kyseech aut Thomas vel Petrus, frater eiusdem de minori Peech seu Lorandus de Zyrk, aliis absentibus [homo noster ad faciem dicti tributi] accedendo presignatam partem tributi fori memorati per dictum abbatem, ut premittitur, iuridice reobtentam [eidem abbati et dicte ecclesie sue statuat] iuxta iudiciarium conmissionem iudicis antedicti perpetuo possidendam, contradictione prescriptorum fratrum Predicatorum [non obstante. Alii vero contradictores] si qui fierent in hac parte, citet contra eundem abbatem in nostram presentiam ad terminum conpetentem rationem [contradictionis eorum redditurus efficacem. Et post hec] ipsius statutionis tributarii seriem et, si necesse fuerit, nomina contradictorum et citatorum cum termino assignato nobis [fideliter rescribatis. Datum in] Wyssegrad feria quarta proxima post dominicam Invocavit, anno Domini millesiino trecentesimo sexagesimo septimo. [1367. márc. 10.]||
Nos igitur [celsitudinis vestre preceptis obtemperantes] in omnibus, ut tenemur, una cum prelibato Petro, filio Pauli de minori Peech, homine vestro, magistrum Blasium, chori eccl[esie nostre clericum], ad prescripta mandata vestra efficaciter peragenda transmisimus pro testimonio fidedignum. Qui demum ad vos re[versi nobis concorditer retulerunt, quod ipsi] feria tertia proxima post dominicam Reminiscere nunc preterita, [ 1367. márc. 16.] die videlicet publici fori in Kamarun celebrari [soliti] [presentibus predicto] fratre Ladizlao, priore prenotati claustri Beati Virginis de eadem Kamarun et aliis quam pluribus conprovincialibus et merca[toribus, presente ipso nostro testimonio] partem tributi eiusdem fori in preallegatis vestris litteris denotatam, quam dictus prior et tuus conventus hactenus tenuissent [ipso domino Paulo, abbati de Beel, personaliter] inibi constituto et per eum sue ecclesie nomine iuris eorum nullo penitus contradicente statuissent iuxta iudiciariam conmissionem [predicti domini Stephani Bubeck iudici]s curie vestre perpetuo possidendam, cuius quidem partis tributarii fructus ipso die in ipsorum vestri et nostri hominum presentia [exigi fecissent et colligi pro domino fratre Paulo abba]te et ecclesia antefatis. Datum tertio die ipsius statutionis, anno Domini supradicto. [1367. márc. 18.]