Ego O., dux Burgundie , omnibus notum facio tam presentibus quam futuris quod Henricus Arbelestarius de Monte Barri et uxor ejus guerpiverunt in manibus nostris et penitus quitaverunt querelam quam habebant adversus fratres Fonteneti super quodam fossato quod fecerant dicti fratres ad utilitatem molendini quod est subtus abbatiam. Concesserunt etiam supranominati, Henricus scilicet et Maria uxor sua, prelibatis fratribus Fonteneti quicquid juris a prefato molendino versus abbatiam habebant tam in terris quam in pratis et de his omnibus adversus omnes debitam garentiam promiserunt. Hoc totum laudaverunt liberi eorum, Henrici scilicet et Marie uxoris sue , et ipse Henricus habuit propter hoc xxx a libras divionensium de beneficio ecclesie et uxor ejus lx solidos pro laude. Actum est hoc anno verbi incarnati m° cc° xii° . Quod totum ut ratum sit presentem paginam sigilli mei munimine roboravi.