Gauterius Dei gratia Eduensis episcopus fidelibus universis presentibus pariter et futuris in perpetuum. Universitati vestre notum facimus quod Matinea, uxor domini Hugonis militis de Turre , dedit in perpetuam elemosinam ecclesie Fonteneti quicquid habebat in bruillio de Venerreio. Concessit etiam fratribus ejusdem ecclesie quicquid adquisierant vel adquirere potuerint in futuro apud Marmaniam de chasamento ejus preter homines et feminas. Hoc totum laudavit Philippus filius ejus, Hugo nepos ejus, Guido dominus Venerrei . Hujus rei testes sunt monachi Fonteneti Hugo scilicet et Gislebertus, filii ejusdem Matinee , et Hugo de Quinceio , Willermus prior Sancti Mauricii , Haymo prior Sancte Marie de Sinemuro , Odo archipresbiter Tullionis , Robertus capellanus leprosorum de Semuro , magister Walterius de Til , Oliverus miles de Grinione , Milo de Lentiliaco , Pontius de Chaaceio , Milo frater ejus. Quod totum ut ratum habeatur in perpetuum sigilli nostri auctoritate confirmamus, anno ab incarnatione Domini millesimo c° xc° vii°.