Lucius, episcopus, servus servorum Dei, dilectis filiis Bernardo abbati monasterii de Fontaneto ejusque fratribus tam presentibus quam futuris regularem vitam professis in perpetuum1. Effectum justa postulantibus indulgere et vigor equitatis et ordo exigit rationis presertim quando et petentium voluntatem et pietas adjuvet et veritas non relinguit, eapropter dilecti in Domino filii vestris justis petitionibus clementer annuimus et prefatum monasterium in quo divino mancipati estis obsequio ad exempla predecessorum nostrorum sanctae recordationis Eugenii et Alexandri Romanorum pontificum sub beati Petri et nostra protectione suscipimus et presentis scripti privilegio communimus. In primis siquidem statuentes ut ordo monasticus qui secundum timorem Dei et beati Benedicti regulam atque institutionem Cisterciensium fratrum in vestro monasterio institutus esse dinoscitur, perpetuis ibidem temporibus inviolabiliter observetur ; preterea quascumque possessiones quaecumque bona idem monasterium in presentiarum juste et canonice possidet aut in futurum concessione pontificum, largitione regum vel principum, oblatione fidelium seu aliis justis modis prestante Domino poterit adipisci, firma vobis vestrisque successoribus et illibata permaneant in quibus haec propriis duximus exprimenda vocabulis, vallem ipsam in qua eadem abbatia sita est cum omnibus suis, grangiam Carmeti cum omnibus appendiciis suis, dona Stephani Eduensis episcopi 2 de terris et aasentiis suis, scilicet terras ad excolendum sine tertiis, pasturas animalium, pastionem porcorum, nemora ad edificandum ad omnem usum etiam ad ardendum in agricultura ; grangiam Fontanarum cum appendiciis suis ; elimozinam quam vobis Rogerius de Curte Rabodi donavit, scilicet quidquid habebat apud Lanias ; dona Rainardi domini Montis Barri de aasentiis suis et in pasturis suis ; grangiam Puteoli cum omnibus appenditiis suis ; grangiam Flacciaci cum omnibus appenditiis suis ; dona et helemozinas Hugonis de Curte Rabodi et filiorum ejus Vuillielmi, Hugonis et Ricardi ; dona et helemozinas Bartholomei de Fraxino et Vuilielmi filii ejus ; grangiam de Morvilla cum omnibus appenditiis suis ; locum Sancti Aniani cum omnibus appenditiis suis ; grangiam Aringiarum cum omnibus appenditiis suis ; grangiam de Planeto cum omnibus appenditiis suis ; vineas vestras de Divione ; vineas de Villenis ; vineas de Flaviniaco ; emendi quoque et vendendi sine omni consuetudine vel exactione in villa Flaviniaci, sicut vobis rationabiliter est concessum et hactenus noscitur observatum fuisse, facultatem liberam habeatis ; grangiam de Estormeyo cum omnibus appenditiis suis ; territorium Novillae Montis cum omnibus appenditiis suis ; domum vestram Ledonis cum appenditiis suis et quidquid3 apud eandem villam habetis ab Hugone Sarraceno et a Petro fratre ejus et a nepotibus eorum Humberto, Gerardo, Hugone et ab Haimone filio Constantini Moretti4 ; donum et helemozinam comitis Stephani quam vobis dedit Johenem5 6 Moret 7 cum liberis et tenementis suis ; dona et helemozinas comitis Gerardi, quae8 vobis dedit et concessit, scilicet ut in toto posse suo pedagia vel ventas vel minagia nunquam solvatis, et duas monteas quas concilio et laude comitis Girardi a Judeo acquisistis et omnia de quibus habetis cartas sigillo ejusdem comitis confirmatas . Sane laborum vestrorum quos propriis manibus aut sumptibus colitis, sive de nutrimentis vestrorum animalium decimas a vobis nullus presumat exigere. Si qua vero libera et absoluta persona pro redemptione animae suae vestro se monasterio conferre voluerit suscipiendi eum facultatem liberam habeatis ; adjicimus etiam ut nulli fratrum vestrorum post factam in monasterio vestro professionem absque abbatis sui licentia de claustro liceat discedere ; discedentem vero absque communium litterarum cautione nullus audeat retinere. Paci quoque et tranquillitati vestrae paterna sollicitudine providentes aucthoritate apostolica prohibemus ut infra clausuram locorum sive grangiarum vestrarum, nullus violentiam vel rapinam sive furtum facere vel hominem capere audeat. Statuimus preterea ut in eodem loco abbas secundum consuetudinem Cisterciensis ordinis fratrum pro providentia Clarevallensis abbatis cum consensu et electione fratrum monasterii vestri secundum beati Benedicti regulam instituatur qui proprio episcopo tanquam spirituali patri obediat salva nimirum Cisterciensis ordinis institutione. Ad haec ne ad pertubationem quietis vestrae alicui ecclesiasticae secularive personae de vicinitate loci ulla prebeatur occasio in terris vestris aut ita prope abbatiam vel grangias vestras quod inde vobis videatur scandalum generari seu quies vestra turbari sive etiam in illis locis in quibus in perpetuum concessa usuaria vel pasturas habetis ut inde graviter impediri vel ea prorsus amittere debeatis, habitationem aliquam fieri authoritate apostolica prohibemus. Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere, minuere seu quibuslibet vexationibus fatigare sub illibata omnia et integra conserventur, eorum pro quorum gubernatione et sustentatione concessa sunt usibus omnimodis profutura, salva sedis apostolicae authoritate, si qua igitur in futurum ecclesiastica secularisve persona hanc nostrae constitutionis paginam, sciens, contra eam temere venire tentaverit secondo tertiove commonita, nisi presumptionem suam congrua satisfactione correxerit potestatis honorisque seu dignitate caveat, reamque se divino judicio existere de perpetrata iniquitate cognoscat et a sacratissimo corpore ac sanguine Dei et domini redemptoris nostri Jesu Christi aliena fiat atque in extremo examine districtae ultioni subjaceat. Cunctis autem eidem loco sua jura servantibus sit pax domini nostri Jesu Christi quatinus et hic fructum bonae actionis percipiant et apud districtum judicem praemia eternae pacis inveniant. Amen, amen.

rota Sanctus Petrus, sanctus Paulus, Lucius papa tercius.

9Adjuva nos Deus salutaris noster.

Ego Lucius catholicae ecclesiae episcopus

10 11 Ego Theodinus Portuensis et sanctae Rufinae sedis episcopus.

Ego Henricus Albanensis episcopus.

Ego Paulus Prenestensis episcopus.

Ego Petrus presbiter cardinalis tituli sanctae Susannae.

Ego Vivianus tituli sancti Stephani in Celio Monte presbiter cardinalis.

Ego Laborans presbiter cardinalis Sanctae Mariae trans Tiberim tituli Calixti.

Ego Rainerius presbiter cardinalis sanctorum Joannis et Pauli tituli Pammachii.

Ego Hubertus presbiter cardinalis tituli sancti Laurentii in Damaso.

Ego Pandulphus presbiter cardinalis tituli basilicae Duodecim12 Apostolorum.

Ego Jacintus diaconus cardinalis Sanctae Mariae in Cosmydin.

Ego Ardicio diaconus cardinalis sancti Theodori.

Ego Gratianus sanctorum Cosmae et Damiani diaconus cardinalis.

Ego Bobo sancti Angeli diaconus cardinalis.

Ego Girardus diaconus cardinalis Sancti Adriani.

Ego Octavianus sanctorum Sergii et Bacchi diaconus cardinalis.

Ego Jofredus13 diaconus cardinalis sanctae Mariae in Via lata.

Datum Velletri per manum Alberti sanctae Romanae ecclesiae presbiteri cardinalis et cancellarii, octavo14 idus martii, indictione prima15, incarnationis dominicae anno millesimo centensimo octogesimo secundo16, pontificatus vero domini Lucii papae tertii17 anno secundo18.