Innocentius, episcopus, servus servorum Dei, dilecto filio Guillelmo, abbati monasterii Sanctae Mariae Fonteneti ejusque successoribus regulariter substituendis, in perpetuum1. Desiderium quod ad religionis propositum et animarum salutem pertinere monstratur auctore Deo effectu est prosequente complendum. Quocirca, dilecte in Domino fili Guillelme abbas, tuis rationabilibus postulationibus annuentes, monasterium ipsum, cui Deo aucthore presides sub apostolicae Sedis tutela et protectione suscipimus et presentis scripti patrocinio communimus. Statuentes ut quaecumque bona seu possessiones prefatum monasterium in presentiarum juste et legitime possidet aut in futurum concessione pontificum, largitione principum, oblatione fidelium seu aliis justis modis prestante Domino poterit adipisci, firma tibi tuisque successoribus et illibata permaneant. Decernimus ergo ut nulli omnino hominum liceat idem monasterium temere perturbare aut ejus possessiones aufferre vel ablatas retinere, minuere aut temerariis vexationibus fatigare, sed omnia integra conserventur, eorum pro quorum gubernatione et sustentatione concessa sunt usibus omnimodis profutura. Si qua igitur in futurum ecclesiastica secularisve persona hanc nostrae constitutionis paginam sciens contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei ac domini redemptoris nostri Jesu Christi aliena fiat atque in extremo examine districtae ultioni subjaceat. Cunctis autem eidem loco justa servantibus sit pax domini nostri Jesu Christi, quatenus et hic fructum bonae actionis percipiant et apud districtum judicem praemia eternae pacis inveniant. Amen. Amen. Amen2 3 Rota 4.

Sanctus Petrus, Sanctus Paulus. Innocentius papa secundus.

Adjuva6 nos Deus salutaris noster.

Ego7 Innocentius catholicae ecclesiae episcopus [ss]8. Datum Virgeliaci per manum Lucae scriptoris, domini Aimerici cancellarii, calendis januarii incarnationis dominicae anno millesimo centesimo trigesimo9, indictione octava10, pontificatus vero domini Innocentii papae [II]11 anno primo.