XL.

Episcopus et fideles Civitatis Castelli Innocentio PP. IH. ipsorum terram patrimonium ecclesiae Romanae semper extitisse profitentur, eidem se obligant sub annuo censu unius denarii pro qualibet domo solvendi, et petunt auxilium contra Aretinos. Ex Reg. Innocentii PP. UI. An. JL ep. 34. Tom. I. fol 150.

Pio patri et dno Innocentio divina gratia san- cte Romane ecclesie summo pontifici R. Castellane ecclesie hnmilis servus, et Bonus Comes Civitatis Castelli potestas cum eiusdem terre maioribus et minoribus debiti obsequii devotissimum famulatum. Cum pristina memoria terra nostra ad patrimonium sancte Romane ecclesie communi ac privato iure spectare noscatur, et nuper sanctitatis vestre solli- cita cura antiqua statuta inde sint innovata: dignum duximus ad presens debitum canonem scilicet per unam quamque domum denarium colligere, et in si- gnum nostre fidei per presentium latorem nobilem virum ad pedes vestre sanctitatis dirigere. Cuius facti humilis devotio nos corroborat, et in quibus indigemus a sanctitate vestra protectionem querere confortat. Aretini cives nobis aliis proximiores Ca- stellani episcopatus fines invadere conantur, et cum Marchionibus confederati, qui contra preceptum ve- strum de destructione Montis sancte Marie acriter doluerunt, aliud castrum Castellane ecclesie expu- gnare, et memoratum Montem post Pascha reficere ordinaverunt. Subveniat ergo famulis suis vestre sanctitatis benignitas, et memoratos Aretinos ab huiusmodi vexationibus imperiose compescat, et adiacentes vicinos, scilicet Perusinos et Massanos, ut nobis subveniant, vestre paternitatis providen- tia, si placet, inducat