DXXXIX.

Comiti palatino in Tuscia castrum Montisvecli conceditur. Reg. An. VI. ep. 41. fol. 281.

Bonifacius episcopus etc. Dilecto filio NobiU viro Guillelmo Novello Comiti Palatino in Tuscia, familiari nostro, salutem etc. Considerantes atten- tius, quod tu ab annis teneris nostris obsequiis familiariter deputatus sic te laudabiliter et pruden- ter gessisse dinosceris, quod nos propterea perso- nam tuam affectu favorabili prosequentes, ad ea libenter intendimus, que tui honoris et commodi respiciunt incrementa. Dudum siquidem ex iustis et rationabilibus causis inducti Iacobum et Petrum de Columpna olim sacrosancte Romane ecclesie Cardinales, exigentibus gravibus demeritis et cul- pis ipsorum, de fratrum nostrorum consilio Car- dinalatus dignitate privavimus, ipsosque deposui- mus ab eodem iudicantes ipsos scismaticos et blas- femos, etinhuiusmodi persistentes scismate tanquam hereticos puniendos. Ipsos insuper et omnes sequa- ces, adiutores, fautores et valitores eorum, ac dan- tes eis consilium, auxilium vel favorem publice vel occulte omnibus eorum bonis stabilibus et immo- bilibus ubicumque consistentibus, que tunc temporis obtinebant, privavimus ipsaque a die privationis huiusmodi Romane ecclesie duximus confiscanda, decernendo irritum et inane, si secus a quoquam scienter vel ignoranter quavis auctoritate attem- ptatum existeret, vel imposterum contigerit attem- pari. Cum igitur prefati Iacobus et Petrus ac fra- tres ipsius Petri eis in huiusmodi scismate adhe- rentes sint omnibus eorum bonis stabilibus et immobilibus, que tunc temporis obtinebant, ipso iure privati, et propter hoc eorum bona omnia dicte Romane ecclesie confiscata et ad eam devo- luta esse noscantur: Nos volentes personam tuam tue probitatis et Nobilitatis obtentu favore pro- sequi speciah, Castrum Montisvecli, quod in Fo- rosinfroniensi diocesi predicti Iacobus et Petrus ac fratres ipsius Petri hactenus obtinebant, tibi et heredibus tuis cum omnibus possessionibus, teni- mentis, iuribus et pertinentiis suis in perpetuum concedimus et donamus, et tuis et heredum ipso- rum usibus apphcamus de gratia speciali, ita quod ex nunc corporalem possessionem ipsius Castri, et possessionum, tenimentorum, iurium et pertinen- tiarum suorum omnium apprehendere et nancisci propria auctoritate valeas, invocato ad hoc, si opus fuerit, auxiUo brachii secularis. NulU ergo etc. no-

stre concessionis, donationis et applicationis etc. Datum Laterani n. Nonas Februarii, Pontificatus nostri anno sexto.