Wir Fridreich etc. dem abbt zum Kotweig etc. Wir lassen dich wissen, daz wir unser lanntgericht und die vogttey, so weilent Jorg Schegk verwest und inngehabt hat, unserm getrewn lieben Jo^ergen Sewssenegker unserm rat mit allen gerechtikaiten, die darczu geho^erent, zu verwessen empholhen haben, emphelhen wir dir ernstleich und wellen, daz du mit allen deinen und deins goczhaws leuten in demselben lanntgericht gesessen und die guter darinn haben, schaffest bestellest und darob seyst, daz si demselben Sewssenegker oder seim anwalt mit vogttaiding und in andern sachen und gerechtikaiten geho^ersam sein und vogtrecht geben, als si dem obgenanten Schegken getan haben, doch uncz auf unser widerruffen etc. Geben zu der Newnstat an phincztag nach dem suntag quasimodogeniti anno domini etc. L, unsers reichs im aindlefften jar.

Source Fulltext: FUCHS, Göttweig II (=FRA II/52, Wien 1901) S. 425