Omnibus Christi fidelibus presentes litteras visuris vel audituris Walterus Dei gratia Norwicensis episcopus salutem in domino sempiternam Licet singulorum religiosorum cura nobis sit commissa dilectorum tamen filiorum prioris et conventus Norwicensium curam tenemur gerere specialem et eos amplioribus prosequi beneficiis quos dilectionis ampliatur prerogativa Hinc est quod dictorum prioris et conventus paci securitati ac indempnitati providere cupientes concedimus et presenti carta nostra confirmamus eisdem in proprios usus omnes ecclesias et beneficia a predecessoribus nostris eis collata prout in cartis eorumdem continetur exceptis ecclesiis quarum jus patronatus ad nos in presenti spectare dinoscitur Et insuper annuum redditum quem percipiunt et percipere consueverunt cum omni integritate et absque diminutione de prioratibus de Lenna de Gernemuta et de Audebi percipiendum perpetuis temporibus per manus priorum ibidem commorantium qui per nos et nostros successores in capitulo Norwicensi priores instituuntur et curam animarum in ipsis ecclesiis gerendam recipiunt salvo residuo omnium proventuum prioribus antedictis ipsarum ecclesiarum de Lenna de Gernemuta et de Audebi ad eorumdem priorum et monachorum ibidem commorantium sustentationem et pauperum Jhesu Christi refectionem Omnes autem easdem ecclesias cum pertinentiis dictis priori et conventui in proprios usus perpetuo possidendas salvis vicariis more solito conferendis salvis etiam in omnibus jure episcopali et consuetudine In huius rei testimonium huic scripto sigillum nostrum apponi fecimus Data apud Norwicum quinto kalendas Augusti anno domini millesimo ducentesimo quinquagesimo tercio

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.