Sciant presentes et futuri quod ego Iohannes Charlys senior de Holkham Concessi dedi et hac presenti Carta mea Confirmaui Simoni Hamund et heredibus suis eiusdem wille pro septem solidis Argenti quos mihi dedit in gersumam vnam rodam terre mee iacentem in Campis de Holcham apud Sladaker inter terram meam ex parte Aquiloni et terram predicti Simonis ex parte australi et Capud orientale abuttat super terram prioris et Conuentus de Peterston et Capud occidentale abuttat super Hadhoweheuedes habend et tenend de Capitalibus Dominis feodi illius et heredibus suis vel suis assignatis Libere quiete bene in pace iure et hereditarie Cuicumque vel quandocumque eam dare vendere vel assignare voluerit exceptis domibus Religionis faciend[] Inde Annuatim pro me et heredibus meis Capitalibus dominis feodi illius vnum denarium ad Natiuitatem Sancti Iohannis Baptiste pro omnibus seruiciis Consuetudinibus et exaccionibus Sectis Curie et secularibus demandis Et Ego predictus Iohannes et heredes mei vel mei assignati warantizabimus et omnino defendemus predictam Rodam terre predicto Simoni et heredibus suis vel suis assignatis Contra omnes homines inperpetuum In Cuius rei testimonium huic Carte sigillum meum Apposui Dat[] apud Holcham Die Iouis proxima post Inuencionem Sancte Crucis Regni Regis Edwardi vicessimo tertio Hiis testibus Bartholomeo de Burgate Iohanne filio Ade le Bret Iohanne Sylke Willelmo filio suo Martino Goldwyne Galfrido Goldwyne Waltero Hakun Willelmo Craske Iohanne Aynild Ricardo le Northerne Iohanne Rutur Roberto Le Marschall et aliis multis

Source Fulltext: Lordship and Landscape in Norfolk 1250-1350, the Early Records of Holkham. W. Hassal and J. Beauroy. Records of Social and Economic History, New Series 20. British Academy. Oxford University Press. Oxford. 1993.