Sciant presentes et futuri quod nos Hugo de sancto Yuone et Galfridus de Horkestow clerici dedimus concessimus et hac presenti carta nostra confirmauimus magistro domus scolarium de Balliolo in Oxonia et scolaribus eiusdem domus totum illud mesuagium cum omnibus suis pertinenciis quod vocatur Chimere halle quod situm est in parochia sancti Edwardi regis in Oxonia in uico qui uocatur Schydyerd inter tenementum abbatis de Abbyngtone ex parte una et tenementum prioris sancte Fredeswyde ex altera in subuencionem sustentacionis predictorum magistri et scolarium quod quidem tenementum habuimus ex concessione donacione tradicione Ricardi Owre pelliparii pro quadam summa pecunie sibi pre manibus tradita tenend et habend totum predictum mesuagium cum pertinenciis suis de nobis et heredibus nostris prefatis magistro et scolaribus et eorum successoribus eiusdem domus iuxta formam uim et effectum carte domini regis nobis et eis licenciam in hac parte specialem tribuentis statuto de terris et tenementis ad manum mortuam non ponendis edito non obstante reddendo inde annuatim capitali domino feodi illius seruicium inde debitum et consuetum Et nos predicti Hugo et Galfridus et heredes nostri totum predictum messuagium cum omnibus suis pertinenciis prefatis magistro et scolaribus et eorum successoribus quietum clamauimus in perpetuum In cuius [etc sealing] hiis testibus Iohanne de Dukelingtone tunc maiore Oxonie Ricardo de Berkley et Willelmo le Chatur tunc balliuis Andrea de Pyry Ricardo le Spicer Thoma de Sowy Henrico de Lynne Roberto de Welles Ricardo de Owre Thoma de Pyry tunc clerico ville et multis aliis Scriptum et consignatum Oxonie vi Idus Iulii anno regni regis Edwardi filii regis Edwardi quarto

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.