Sciant presentes et futuri quod ego Iohannes de Coleshulle burgensis Oxonie concessi tradidi et dimisi et hoc presenti scripto indentato confirmaui ad feodifirmam Iohanni de Couesgraue et Alicie uxori sue medietatem unius mesuagii cum suis edificiis et cum omnibus aliis ubique pertinenciis in suburbio Oxonie extra portam borialem eiusdem uille quam quidem medietatem dicti mesuagii habui ex legacione et assignacione Henrici Gamage in ultima uoluntate sua et quam medietatem tenui cum Andrea Culwart cui predictus Henricus aliam medietatem legauit tenend nobis et heredibus nostris in perpetuum et pro indiuiso tenebamus habend et tenend predictam medietatem dicti mesuagii cum omnibus suis pertinenciis ut predictum est predicto Iohanni et Alicie et heredibus predicte Alicie et assignatis suis ad feodifirmam de me et heredibus meis et meis assignatis in perpetuum libere quiete bene et in pace et integre sicut ego prius illam tenui cum Andrea Culwart tenente aliam medietatem pro indiuiso cum libero introitu et exitu reddendo inde per annum michi et heredibus meis ad feodifirmam uiginti solidos argenti ad quatuor anni terminos uidelicet ad festum sancti Iohannis Baptiste quinque solidos et ad festum sancti Michaelis archangeli quinque solidos et ad festum sancti Thorne apostoli quinque solidos et ad festum Annunciacionis beate Marie uirginis in Marcio quinque solidos pro omnibus seruiciis exaccionibus consuetudinibus secularibus et demandis ad me uel ad heredes meos spectantibus et faciendo pro me et heredibus meis capitalibus dominis feodi illius seruicia inde debita et consueta in perpetuum Et ego [etc warranty] Pro hac autem concessione tradicione dimissione et huius scripti confirmacione dederunt michi predicti Iohannes de Couesgraue et Alicia uxor eius xvi libras sterlingorum pre manibus In cuius rei testimonium tam ego dictus Iohannes de Coleshulle quam predicti Iohannes de Couesgraue et Alicia uxor eius huic presenti scripto ad modum cyrograffi confecto sigilla nostra alternatim apposuimus cuius una pars remanet penes Iohannem de Coleshulle et altera penes Iohannem de Couesgraue et Aliciam uxorem eius hiis testibus Thoma de Sowy tunc maiore Oxonie Iohanne de Doklingtone et Iohanne de Beuerle tunc balliuis uille eiusdem Roberto de Wormenhale Andrea de Pyrie Thoma de Henxseye Ricardo Oueree Ricardo de Dadingtone Roberto de Welles et aliis Dat[] apud Oxoniam die Sabbati proxima ante festum Annunciacionis beate Marie anno regni regis Edwardi filii regis Henrici tricesimo primo

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.