Nouerint uniuersi presens scriptum uisuri uel audituri quod ego Philippus filius Rogeri Paris intuitu dei et pro salute anime mee concessi et hoc presenti scripto confirmaui deo et beate Marie de Egnesham et monachis ibidem deo seruientibus donacionem quam Rogerus frater meus illis dedit uidelicet duas seldas in Gloucestria que iacent in Ebruggestret scilicet illas que propinquiores sunt uenelle que ducit uersus uicum Fabrorum sibi et successoribus suis habend et tenend libere et quiete integre et pacifice reddendo michi annuatim uel heredibus meis unum par cyrotecarum uel unum obolum in festo sancti Michaelis Predicte uero selde mensurate per uisum proborum hominum continent in latitudine quinque uirgas ulnarum domini regis cum pollice interposito et duos pollices in profunditate uero continent vii uirgas ulnarum domini regis cum pollice interposito et iiii pollices Ego uero et heredes mei [etc] et de landegablo et omnibus redditibus et aliis seruiciis de aliis tenementis meis acquietabimus et defendemus in perpetuum Pro hac autem concessione et carte mee confirmacione dederunt michi predicti monachi xvi solidos sterlingorum in gersumam Ut autem [etc] hiis testibus Datum anno regni Henrici filii regis Iohannis xxxvii in crastino apostolorum Simonis et Iude

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.