Notum sit omnibus presens scriptum uisuris uel audituris quod ego Abraam de Berchamstede Iudeus quietum clamaui pro me et heredibus et pueris meis Rogerum de Wimberuile de omni debito ab origine mundi usque in finem mundi et Elyam filium eiusdem Rogeri et heredem et heredes suos ab omni debito et obligacione ab origine mundi usque ad Natiuitatem beati Iohannis Baptiste anni regni regis Henrici filii regis Iohannis xxxvi Item ego et heredes mei acquietabimus dictum Rogerum et Elyam filium suum et heredes eorum uersus Iacobum filium Florie Iudeum Londoniensem de quodam debito vii marcarum et omnibus alta debitis et obligacionibus ab origine mundi usque ad finem quoad dictum Rogerum et quoad dictum Elyam et heredes suos usque ad dictum festum beati Iohannis et omnes cartas nomine meo uel puerorum meorum uel dicti Iacobi confectas extrahi faciam a cistis domini regis Et de omnibus debitis ab origine mundi usque in finem mundi aquietabo predictum Rogerum in Iudaismo ita quod si inueniatur aliquod scriptum uel tallia nomine predicti Rogeri de quocunque debito in Iudaismo illud debitum uersus quemcunque Iudeum acquietabo Et in huius rei testimonium ego Abraam Iudeus presens scriptum scriptura proprie manus mee signaui Hoc scriptum manu Iudei signatum habet Elyas de Wimberuile penes se nobis si necesse fuerit fide media reddendum Pactum fuit istud negotium anno gracie m ccl secundo in uigilia Natiuitatis sancti Iohannis Baptiste in prioratu de Walingeforde coram priore et domino Roberto de Esthalle et domino Thoma de Valeynes et aliis multis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.