Omnibus Christi fidelibus ad quos presens scriptum peruenerit Petrus Thalemasche salutem Nouerit uniuersitas uestra me pro salute anime mee et omnium antecessorum et heredum meorum dedisse concessisse et presenti carta confirmasse deo et beate Marie de Egnesham[] et monachis ibidem deo seruientibus in puram et perpetuam elemosinam totam terram que de feodo Roberti le Cheualchesul iure hereditario ad me unquam descendere potuit in uilla de Fauflore scilicet medietatem totius tenementi quod idem Robertus habuit in predicta uilla de Fauflore in plano in bosco in pratis in pascuis in aquis in uiis in semitis in introitibus et exitibus et in omnibus libertatibus et liberis consuetudinibus tam intra uillam quam extra habend et possidendam libere et quiete absque omni seruitio ad me uel ad heredes meos pertinente saluo seruitio domini regis excepta una uirgata terre quam dedi Ricardo Taillarde Hoc etiam predictum tenementum tam ego quam heredes mei contra omnes homines warantizabimus Quod si forte warantizare non poterimus de aliis tenementis nostris ego et heredes mei ad ualentiam eis escambium faciemus Hac etiam presenti carta confirmaui predictis monachis unam uirgatam terre quam uendidi Willelmo de Braci in uilla de Stoke quam idem Willelmus eis dedit et totum seruitium quod idem Willelmus exinde michi facere consueuit eis remisi et inperpetuum quietum clamaui Illam etiam superius memoratam uirgatam terre quam Ricardus Taillarde de me tenuit in Fauflore quam dictus Ricardus eis dedit eisdem presenti scripto confirmaui et seruitium quod dictus Ricardus exinde debuit ipsis in perpetuum quietum clamaui saluo seruitio domini regis Pro hac autem donacione concessione confirmacione et warantizacione dederunt michi sepedicti monachi duodecim marcas argenti et unum palefridum Hoc autem firmiter obseruandum pro me et heredibus meis affidaui et presentis scripti testimonio sigilli mei appositione roborato communiui Hiis testibus Hugone le Pouere Roberto de Auuerse Willelmo filio Baldewini Ricardo Taillard Gileberto Taillarde Willelmo de Braci Auenello dispensatore Iohanne ianitore Willelmo Russel Roberto de Sidem[] Thoma de Bertone Ricardo Pull[] et multis aliis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.