Sciant presentes et futuri quod nos Thomas Sewale de Mapeltrestede magna Iohannes Ioye de eadem et Willelmus Undirwode de Gestingthorpe dedimus concessimus et hac presenti carta nostra confirmavimus Ricardo atte Wode de Mapeltrestede parva et Iohanne uxori eius heredibus et assignatis ipsius Ricardi imperpetuum duas pecias terre cum pertinentiis suis in Gestingthorpe iacentis in campo vocato Delvene et que quondam fuerunt Willelmi webbe de magna Mapeltrestede habend et tenend predictas duas pecias terre cum pertinentiis suis prefatis Ricardo et Iohanne uxori eius heredibus et assignatis ipsius Ricardi libere quiete bene et in pace imperpetuum de capitalibus dominis feodi illius per servicia inde debita et de iure consueta Et nos vero predicti Thomas Iohannes et Willelmus et heredes nostri predictas duas pecias terre cum pertinentiis suis prefatis Ricardo et Iohanne uxori eius heredibus et assignatis ipsius Ricardi contra omnes gentes warantizabimus et imperpetuum defendemus In cuius rei testimonium huic presenti carte nostre sigilla nostra apposuimus Hiis testibus Iohanne warde Iohanne Colyn Iohanne Creppyng Willelmo smyth de Gestingthorpe Willelmo Daundevile de Mapeltrestede magna et aliis Datum apud Mapeltrestede parvam die iovis proxima post festum sancti Petri in cathedra anno regni regis Ricardi secundi post conquestum octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.