Universis ad quos presens scriptum pervenerit Hugo Goldston[] rector ecclesie de Gestingthorpe salutem in Domino sempiternam Noveritis me concessisse ac dimisisse Ade Goldston[] fratri meo pro laudabili servicio quod michi impendit omnia terras et tenementa cum pertinentiis suis que Robertus de Chelmeshoo et Petrus de Othelesho tenuerunt de domino Gilberto de Dyne in villa de Gestingthorpe[] et que quidem habui nomine custodie post mortem Roberti et Petri predictorum tenenda et habenda dicto Ade heredibus aut assignatis suis libere quiete bene et in pace usque ad plenam etatem filiorum et heredum predictorum Roberti et Petri et sic de herede in heredem quousque ad plenam etatem pervenerint reddendo et faciendo inde capitalibus dominis feodi illius servicia debita et consueta Ego vero dictus Hugo et heredes mei dicto Ade heredibus vel assignatis suis omnia tenementa predicta cum omnibus pertinentiis suis usque ad etatem heredum predictorum plenam contra omnes gentes warantizabimus et defendemus In cuius rei testimonium presenti scripto sigillum meum apposui Hiis testibus Reginaldo Selverleye Radulpho de Wetheresden[] Nicholao clerico de Gestingthorpe Willelmo de Leffeldewelle Thoma filio Willelmi Galfrido filio Hugonis Ricardo le archer et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.