Omnibus Christi fidelibus ad quos presens scriptum pervenerit Alicia relicta quondam Roberti frankeleyn[] de Gestingthorp salutem in Domino Noverit universitas vestra me concessisse et omnino quietum clamasse fratri Helie de Smethetum[] priori domus hospitalis Ierusalem in Anglia et fratribus de Mapeltrestede ibidem Deo servientibus pro me et heredibus meis totum ius meum et clameum quod habui vel habere potui scilicet in tercia parte cuiusdam prati scilicet dotis mee et unum denarium annui redditus quod pratum iacet apud la Forde in parte orientali in villa de Gestingthorpe inter pratum Ricardi Pertric[] ex una parte et terram Ricardi buscard[] ex parte altera unde unum capud abuttat super terram Ricardi buscard[] et aliud capud super terram Ricardi Partric ita tamen quod ego nec heredes mei nec aliquis ex parte [nostra] queremus artem vel ingenium quibus dictus frater Helias vel [fratres] dicti hospitalis dictam terciam partem prati et unum denarium amittent imperpetuum In huius rei testimonium huic scripto sigillum meum apposui Hiis testibus Willelmo filio Gilberti Rogero de Bosewile Roberto de Chelmesho Thoma de Cruce Waltero Morell[] Willelmo Gaudio Hugone Ioye et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.