Sciant presentes et futuri quod ego Rogerus filius Petri de Saudeford[] dedi et concessi et hac presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et omnium antecessorum et successorum meorum vivorum et mortuorum redditum duodecim denariorum quem Ricardus filius Arnoldi de Saudeford[] michi reddere consuevit de tenemento illo quod tenuit de me in villa de Halstede cum toto tenemento predicto in homagio et releviis et omnibus escaetis que michi et heredibus meis de predicto Ricardo et heredibus suis possent provenire sine aliquo retenemento habendum et tenendum totum predictum redditum cum omnibus prenominatis prefate domui hospitalis et eiusdem domus fratribus in liberam puram et perpetuam elemosinam sicut aliqua elemosina liberius et quiecius dari potest domui religionis Et ego predictus Rogerus et heredes mei warantizabimus totum predictum redditum cum omnibus prenominatis predicte sancte domui hospitalis Ierusalem et eiusdem domus fratribus imperpetuum contra omnes gentes Hiis testibus Willelmo de Saudeforde Petro filio Ricardi Ricardo filio Gilberti Gilberto filio Henrici Iohanne filio Henrici Albrico filio Petri Roberto le Fraunceys Willelmo de Bumstede Waltero de Halstede clerico Galfrido de Halstede clerico Waltero pincerna Rogero de Besevile et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.