Sciant presentes et futuri quod ego Iohannes Bidoy de Halstede concessi et dedi et hac presenti carta mea confirmavi Margerie que fuit uxor Simonis de Oddewelle militis et heredibus suis vel suis assignatis pro homagio et servicio suo et pro duodecim denariis quos michi dedit in gersummam quatuor denarios annui redditus quos Robertus filius Albredr[] michi debebat per annum de uno mesuagio cum pertinentiis quod iacet inter mesuagium quod fuit Nicholai Buk ex una parte et terram Iohannis Bidoy ex altera unde unum capud abuttat super regale cheminum quod tendit de Halstede versus Subre et aliud capud super terram predicti Iohannis que vocatur Weberescroft scilicet ad Pascha duos denarios et ad festum sancti Michaelis duos denarios habendos et tenendos predicte Margerie et heredibus suis vel suis assignatis de me et heredibus meis vel meis assignatis libere quiete iure hereditarie bene et in pace imperpetuum reddendo inde annuatim ipsa et heredes sui vel sui assignati michi et heredibus meis vel meis assignatis unum clavem gilofre ad Pascha pro omnibus serviciis consuetudinibus demandis et curiarum sectis Et ego predictus Iohannes et heredes mei vel mei assignati warantizabimus acquietabimus et defendemus predicte Margerie et heredibus suis vel suis assignatis predictos quatuor denarios cum pertinentiis per predictum servicium contra omnes Et ut hec mea concessio donacio et huius carte mee confirmacio rate sint et stabiles huic presenti scripto sigillum meum apposui Hiis testibus Andrea filio Willelmi Willelmo filio Ricardi Henrico filio Warini Engeloht de Canteliu[] Rogero de Bessevile Waltero Morell[] Rogero le Daneys Stephano le Prudume et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.