Hec est convencio facta inter Robertum Goderiche ex una parte et Willelmum le Enveyse ex altera scilicet quod predictus Robertus concessit et dimisit predicto Willelmo pro 40 et duobus solidis socium et participem fieri de warda quam dictus Robertus cepit de domo hospitalis et aliis dominis videlicet de terra et herede Thome Goderiche ita scilicet quod dictus Willelmus medietatem illius predicte warde recipiet ad medietatem lucri vel dampni quod de predicta warda poterit evenire scilicet sancti Michaelis anno regni regis Henrici filii regis Iohannis trecesimo septimo usque in terminum quatuor annorum continue sequencium et complete Et sciendum quod dictus Willelmus sustinebit dimidium custum predicte warde omnibus modis ut in defensionibus et redditibus placitis domibus sustentandis pascuis servandis in scotis et locis ad communem foveam fossandam et omnibus aliis modis predicte terre spectantibus nisi de dampnis contingentibus aquis Tamisie set de tali dampno predictus Robertus non tenetur ei aliquod respondere Et si prefatus Robertus maritagium predicti heredis quietum clamaverit insimul predictus Willelmus hoc faciet sine contradictione si alicui vendiderit predictus Willelmus medietatem pecunie illius vendicionis recipiet Hanc convencionem fideliter observandam ex utraque parte affidaverit et huic scripto modo cirographi confecto sigillorum suorum inpressiones mutuatim apposuerunt Hiis testibus Baldewino filio Iohannis Roberto filio Eylene Willelmo le moyne Adam fratre suo Radulpho de Kancia Adam le Iufne Iohanne de la Walle Henrico de Marisco clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.