Omnibus Christi fidelibus presentes litteras visuris vel audituris Henricus de Lacy de Colcestria salutem in Domino Noverint universitas vestra me fecisse et constituisse dilectum michi in Christo Oliverum filium Elie de Colcestr[ia] attornatum meum ad ponendum nomine meo sicut facerem si presens essem Ricardum de Berholte marcatorem de Colcestria et Robertum filium Galfridi de Leuraqua de Wetheresfeld in plenam pacificam et perpetuam seisinam de toto tenemento meo cum soliis seldis celario et fundo et cum suis pertinentiis in foro Colcestrie quod quondam fuit Radulphi filii Petri de Colcestria et quod eisdem Ricardo et Roberto dedi et carta mea confirmavi sicut in eadem carta plene continetur quod quidem tenementum cum suis pertinentiis predictis iacet inter mesuagium Galfridi Prille quod quondam fuit Walteri cok molendinarii ex una parte versus le est et mesuagium quondam Gilberti servientis magistri ex altera versus le west ratum habiturum et gratum tam pro me quam pro heredibus meis et assignatis meis in perpetuum quicquid ibidem Oliverus attornatus meus quo ad dictam seisinam dictis Ricardo et Roberto de toto tenemento nomine meo liberandum duxerit faciendum In cuius rei testimonium has litteras meas eidem transmitto patentes sigillo meo signatas Datum apud Sipe Wicum die martis in festo sancti Iacobi apostoli anno regni regis Edwardi filii regis Henrici decimo octavo Istud interliniare meum scriptum fuit ante consignacionem

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.