Sciant presentes et futuri quod ego Iohannes Grapinel dedi concessi et hac presenti carta mea confirmavi magistro et fratribus milicie Templi in Anglia unum granum piperis annui redditus quod percipere consuevi de Willelmo filio Petri de Topesfeld[] de tenemento quod de me tenuit in villa de Topesfeld[] cum homagio dicti Willelmi cum releviis wardis et cum omnibus aliis escaetis ad dictum redditum pertinentibus habendum et tenendum dicto magistro et fratribus milicie Templi in Anglia et successoribus eorum in puram et perpetuam elemosinam et cuicumque dictum redditum dare vendere vel assignare voluerint libere quiete bene et in pace integre et hereditarie in perpetuum Et ego dictus Iohannes et heredes mei et assignati warantizabimus acquietabimus et defendemus predictum redditum dicto magistro et fratribus milicie Templi in Anglia et eorum successoribus in puram et perpetuam elemosinam contra omnes gentes tam Iudeos quam Christianos In cuius rei testimonium presenti scripto sigillum meum apposui Hiis testibus Willelmo le boteller Nicholao filio Willelmi Willelmo filio Iohannis Adam scissore Willelmo Cosyn Hamone le Walhe et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.