Cum contineantur quatuor peticiones in edicione prioris montis sancti Michaelis proposite contra G rectorem ecclesie de Kameron Quarum prima peticio talis est Petet restitucionem duarum parcium decimarum garbarum proueniencium de omnibus agris dominici de Reskediec quas dominus tradidit hominibus suis excolendas anno domini mccl in quarum possessione exstitit dictum monasterium Et quia constat mihi W de Punstek officiali domini archidiaconi Cornub[] iudicialiter dictum monasterium fuisse in possessione dictarum decimarum et per rectorem ecclesie de Kameron spoliatum fuisse eisdem ad easdem decimas dicto priori restituendas prefatum G similiter condempno Item secundus articulus talis est Quod dictus G inpediuit dictum priorem et suos quominus potuerunt coligere ceteras decimas suas dicti dominici vnum dampnum estimat sibi illatum probatum ad valenciam xxx sol Et quia non constat mihi iudici istum articulum intervencione actoris contenta suficienter esse probatum dictum G a peticione dicti prioris iudicialiter absoluo Item iii articulus talis est Quod petet restitucionem duarum parcium decimarum feni a dicto dominico proueniencium de pratis dicto anno ad firmam traditis Et quia constat mihi dictum articulum suficienter probatum esse eundem G ad dictas decimas dicto priori restituendas similiter condempno Item iiij peticio talis est Petet restituicionem duarum parcium omnium decimarum garbarum proueniencium de partibus illius dominici dicti quas alij quam dominus excoluerunt iam nouem annis elapsis vna cum duabus partibus minorum decimarum exceptis decimis feni quas estimat quinque marcis Et quia non constat mihi iudici istum articulum sufficienter esse probatum dictum G a peticione dicti prioris similiter absoluo Acta apud Bodminam in ecclesia parochiali in vigilia beati Petri quod dicitur ad vincula anno domini mccl secundo

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.