Die veneris proxima post festum exultacionis sancte crucis anno domini mcc nonagesimo nono conuenit inter dominum Willelmum le Brun rectorem ecclesie sancti Maugani in Kerier ex parte vna et fratrem Galfridum tunc priorem sancti Michaelis in Cornubia ex altera super omnibus contencionibus motis inter ipsos super percepcione decime garbarum de villis Caermur Helnewyd Bonwall Caervaleck et Tucus Ita videlicet quod predicti rector et prior vnanimiter concesserunt quod predicte decime contenciose inter ipsos colligantur et fideliter custodiantur per Willelmum de Nans et Ricardum le Taswad de Caerlyn usque ad natiuitatem sancti Johannis Baptiste proxime sequentis hoc acto expresse Quod si predicti rector et prior infra predictum festum sancti Johannis ad concordam reducantur vel alias quoquomodo per se vel per alios concordes fuerint quod predicti Willelmus et Ricardus ei ad cuius comodum per concordiam inter ipsos futuram si fieri potest citra predictum festum sancti Johannis de predictis decimis plenarie respondebunt Quod si concordes super eisdem decimis infra predictum festum sancti Johannis esse nequiuerint valor se extimacio predictarum decimarum in fabrecam nauis ecclesie sancti Maugani cuius construccioni ad parachianos pertinet per ordinacionem Johannis de Reskemier integre conuertatur Et vt predictorum rectoris et prioris laboribus parcatur et expensis predictus prior bona fide et iuramento corporali presento promisit quod infra predictum festum sancti Johannis super predictis decimis et percepcione earundem sine dolo et fraude cessantibus concordia fideliter procurabit Et si quod ius habeant super eisdem percipiendis infra predictum tempus predicto rectori ostendet et omnem diligenciam quam possit pro remedio inpetrando vt omnis contencio terminetur adhibebit nec per eum stabit quin ius predictarum decimarum inter ipsos declaratur Quod si infra predictum festum per se vel per alios concordes super ipsis decimis non fuerint vel esse nequiuerint predicti rector et prior volunt et concedunt quod ius utriusque partis integrum remaneat et illesum In cuius rei testimonium alter alterius scripto in modo cirographi confecto alternatim sigilla sua apposuerunt Datum apud Helleston[] die et anno supradictis

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.