Sciant praesentes et futuri quod ego Alexander de Kirkeby Irelyth pro salute animae meae et omnium antecessorum et successorum meorum dedi et in plena vita et bona memoria cum corpore meo legavi et praesenti carta mea confirmavi Deo et B Mariae de Fournes et Abbati et monachis ibidem Deo servientibus quandam partem terrae meae juxta grangiam suam de Donnerholme scilicet partem quamdam de Stephangarthes secundum divisas quas ego personaliter perambulavi una cum Dominis Radulpho de Wilburham Magistro conversorum et Fratre Rogero de Ulverstone monacho quondam clerico meo et Fratre Waltero Stelle et multis aliis qui interfuerunt in quorum praesentia corporalem dedi eis saisinam per fossatum quod Frater Walterus Stelle ad meum praeceptum fecit a loco concessionis meae scilicet ab angulo veteris sepis usque in Merebek habend et tenend in liberam puram et perpetuam elemosinam perpetuis temporibus pacifice possidendam Hanc vero donationem et concessionem ego praedictus Alexander et heredes mei praefatis Abbati et monachis warantizabimus defendemus et acquietabimus contra omnes homines in perpetuum In cujus rei testimonium praesens scriptum sigilli mei impressione roboravi Hiis Test Dompno Abbate de Caldra etc Acta apud Dunerholme A D m cc l ii mense Maio

Source Fulltext: The Coucher Book of Furness Abbey. J. C. Atkinson. Remains, Historical and Literary, Connected with the Palatine Counties of Lancaster and Chester, New Series V.9. Chetham Society. Manchester. 1886.