In nomine sancte et individue Trinitatis incipit carta comitis Baldewini de Reveriis Quilibet christianus a Christi ecclesie rectoribus ammonetur religiosorum desideriis consentire justisque ipsorum postulationibus clementur annuere Quapropter ego Baldewinus Exon[] comes universis ad quos presens scriptum pervenerit notum fieri volo quod venerabilis monachi Ricardi de Tottonia cognati mei ammonitionis frequentia divinitus inspiratus filio meo Ricardo concedente et plenarium assensum prebente pro remedio anime mee et precipue pro anima uxoris mee Adeliz et patris mei Ricardi et matris mee Adeliz necnon et nobilissimi Henrici regis qui terram patri meo dedit et filiorum filiarumque mearum et pro omnium parentum meorum animabus totam terram cum capella sancti Jacobi et decima et omnibus pertinentiis suis quas Walterus filius Wlwardi de me libere tenuit ipso Waltero rogante et concedente quicquid iuris et dominii in eis habebat herede sua Edit assentiente Deo et monasterio sancti Petri de Cluniaco et sancti Martini de Campis ad sustentationem monachorum Cluniacensium ibidem Deo et sancto Jacobo servientium per manum domini Roberti Exon[] episcopi donavi et irrevocabiliter confirmavi cum eadem libertate et liberis consuetudinibus quibus terram de Toppesham tenui et habui Insuper etiam concessi eis ut omnes terras suas et homines possessiones et elemosinas quas habent vel in posterum iure ac legaliter adquirere poterunt infra fines totius terre mee et feudi mei habeant et teneant solutas liberas et quietas ab omnibus exactionibus hundredis placitis querelis et omni servicio et opere servili et teloneo et omnibus consuetudininbus qui excogitari poterunt Preterea pia devotione concessi ut monachi prefati et homines eorum habeant in terra sua quamlibet mensuram et libertatem vendendi et emendi et res suas omnibus modis iuste multiplicandi In terra etiam mea concessi ut habeant absque omni impeditione liberum itum et reditum cum rebus suis et communes pascuas animalibus suis et iuncos in marisco absque emptione et omnem communitatem refugium et profectum in omni loco qui ad me spectare dinoscitur Si quid vero forefacti vel querele inter homines meos et homines eorum quacumque occasione inciderit monachi plenarie de qualibet causa curiam suam et iusticiam habeant propriam et emendationem Hec autem omnia sepedictis monachis donavi et iure proprietatis transactavi ita quod in eos nec michi nec alicui ex heredibus meis aliquod potestatis violenter exercere licebit nisi tantummodo contra adversantium molestias defensinis auxilium et quia hec predicta predictorum fratrum sustentationi minime sufficere estimavi divini amoris instinctu totam ecclesiam de Twivertona cum omnibus pertinentiis suis per manum predicti domini Roberti Exon[] episcopi donavi et presenti scripto confirmavi volens ut ipsi ab omni vexatione liberi et immunes orationi vacent et Deum pro nobis indesinenter exorent Preterea ex voto teneor predicte ecclesie sancti Jacobi extra muros civitatis Exon[] fundate tantum beneficii conferre unde sacer monachorum conventus constitui et sustentari poterit et ne aliquis indevotus contra hanc mee donationis paginam diabolica inspiratione ire presumat vel aliquam inferat molestiam ipsam sigilli mei impressione corroboravi coram his testibus Stephano de Mandewill[] Huberto de Vaus Radulfo Patrich Roberto de Scocis Rogero abbate Willelmo filio Radulfi et fratre suo Roberto Hugone clerico de Coleford Roberto de Giverni Guidone de Britewill[] Willelmo de Musters domino Roberto abbate de Tavistoch[] Ricardo filio Radulfi Willelmo de Morewill[] et filiis meis Willelmo et Henrico Johello filio Nigelli Galfrido de Leg[] militibus

Source Fulltext: Charters of the Redvers Family and the Earldom of Devon. R. Bearman. Devon and Cornwall Record Society, New Series, V.37. Devon and Cornwall Record Society. Exeter. 1994.