Omnibus Christi fidelibus presens scriptum visuris vel audituris Petrus Carbonel filius Johannis Carbonel salutem in Dno Cum Robertus Carbonel frater meus post mortem predicti Johannis patris mei ut filius et heres terram suam de Bralegh[] tenuisset de dno abbate Glaston in capite dum viveret [et] nuper obisset sine herede de se procreato ut dicitur at quid[am] aliter opinentur ego me obligo per presentes quod si aliquando sit compertum quod Johanna quam duxerat in uxorem de predicto Roberto extiterit inpregnata prolemque produxerit ad quem terra illa iure hereditario debeat pertinere totam illam terram eidem abbati vel successoribus suis restituere et in seysinam reponere non obstante aliqua seysina michi per ipsum tradita Quod si infra annum proximo futurum a die confeccionis istius scripti conperiri non poterit tunc cum racionabiliter fuero summonitus vel premonitus teneor eidem homagium facere et alia servicia que ad eandem terram pertinent que prius per me facta non fuerunt In cuius rei testimonium presenti scripto sigillum meum apposui Hiis testibus Galfrido Sammuel Willelmo Wason Johanne de Merston[] Waltero Tover[] Henrico le Border et aliis Data in pleno hundredo de Whyston[] die Sabbati proxima post festum Sancti Martini anno regni regis Edwardi filii regis Henrici xxvij

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.