Hoc cirographum testatur quod ego Johannes Graindorge concessi et ad firmam dimisi abbati et conventui de Sallai totam terram meam cum toftis et croftis ex utraque parte del Houtelon in villa de Berghebi sicut divise facte sunt inter terram meam et terram ipsius abbatis in eadem villa que se extendit extra portam per quam intrant in le Spen et sic descendendo per fossatum meum quod includit le Spen et per divisas de Kirkebi usque ad Swindonbec que circuit mariscum meum usque ad fossatum ipsius abbatis et eciam totam partem meam quam habeo in le Westmore cum omnibus divisis et pertinenciis suis infra villam de Berg[] et extra habend et tenend predictis abbati et conventui et eorum successoribus vel assignatis in suo separali omnibus temporibus anni de me et heredibus meis usque ad terminum xl annorum proximo sequencium plenarie completorum termino incipiente ad festum sancti Michaelis archangeli anno regni regis Edwardi filii regis Henrici tricesimo primo redendo inde per annum michi vel heredibus meis xxxiiij solidos argenti ad Pentecosten et sancti Martini in yeme per equales porciones Ego vero Johannes et heredes mei omnia predicta tenementa cum suis pertinenciis in separalitate predictis abbati et conventui et eorum successoribus vel assignatis contra omnes sicut supradictum est usque ad finem termini predicti warantizabimus adquietabimus et defendemus In cujus rei testimonium ego Johannes Graindorge huic parti penes predictos abbatem et conventum residenti sigillum meum apposui Testibus P de Arundel Nicholao de Werthbi Rogero de Lintona Thoma le Staumberlayne et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.99. Yorkshire Archaeological Society. West Yorkshire Print Co. Wakefield. 1934.